قاراجالدىق اقىن «ۇزدىك كوشباسشى» اتاندى
نۇر-سۇلتان قالاسىنداعى دوستىق سارايىندا تاۋەلسىزدىكتىڭ مەرەيتويىنا ارنالعان «تاۋەلسىز ەلدىڭ كوشباسشى جاستارى» اتتى رەسپۋبليكالىق كونفەرەنسيا ءوتتى.
وعان ازاماتتىق قوعامنىڭ دامۋىنا ەلەۋلى ۇلەس قوسقان مادەنيەت سالاسىنىڭ وكىلدەرى، دەپۋتاتتار، ەلىمىزدىڭ ءتۇرلى وبلىستارىنىڭ جاستارى قاتىستى. - كونفەرەنسيادا مەن ءوزىم سياقتى ءبىزدىڭ قوعامدى جاقسارتۋعا تىرىساتىنبەلسەندى، جان- جاقتى ادامدارمەن تانىستىم. مەن وندا ولەڭدەرىمدى وقىدىم. ولار قاتىسۋشىلار مەن باس قوناق - ەلتاڭبا اۆتورى جانداربەك مالىبەك ۇلىنا ۇنادى.
مەن استانادان بىردەن ەكى ماراپاتپەن - «قوعام بەلسەندىسى - ۇزدىك كوشباسشى 2021» نوميناتسياسى بويىنشا ءبىرىنشى دارەجەلى ديپلوممەن جانە جانداربەك اعا ءوزى قولىمەن تاپسىرعان، التىن جالاتىلعان توسبەلگىمەن ورالدىم. بۇل مەن ءۇشىن ۇلكەن قۇرمەت، - دەدى جالعاس ارتىقبايەۆ.
وسى جىلدىڭ ماۋسىم ايىندا جالعاستىڭ «ۇزدىك جاس اقىن - 2021» رەسپۋبليكالىق بايقاۋىندا جەڭىسكە جەتكەنىن اتاپ وتكەن ءجون.
ول بالا كەزىنەن پوەزيانى جاقسى كورەدى جانە ولەڭ جازادى. بۇگىنگى تاڭدا اقىننىڭ ەلۋدەن استام شىعارماسى بار. بولاشاقتا ول ءوزىنىڭ ولەڭدەر جيناعىن شىعارعىسى كەلەدى.