تاراز قالاسىندا نىسانداردىڭ جارتىسىنان كوبى ەلەكتر جارىعىنان اجىراتىلدى، ەلەكتر تاسىمالداۋ جەلىلەرى ىستەن شىققان، كوپتەگەن شاتىرلار جۇلىندى، اعاشتار قۇلاپ، اۆتوموبيلدەر بۇلىنگەن. كەشە كەشكە جەلدىڭ سەكۋندىنا 30 مەتر جىلدامدىقپەن سوعاتىنى تۋرالى ەسكەرتۋ جاريالانعان. الەۋمەتتىك جەلىلەردە تارازداعى 47-مەكتەپتىڭ قاسىندا وقۋشىلاردىڭ ۇستىنە اعاش قۇلاعانى تۋرالى حابارلاندى. وقۋشىلاردىڭ اتا- انالارى بالالاردى ۇيگە الىپ كەتۋگە كەڭەس بەرەدى.
جامبىل وبلىسىنىڭ پوليتسيا دەپارتامەنتىندە جۇرگىزۋشىلەردەن مۇمكىندىگىنشە ۇيدە قالۋىن سۇرايدى. «جامبىل وبلىسىنىڭ اۋماعىندا جەل ەكپىنىڭ 30 م/س دەيىن كۇشەيۋىنە بايلانىستى كولىك جۇرگىزۋ قاۋىپتى، جۇرگىزۋشىلەرگە قىراعى ءارى مۇقيات بولۋ قاجەت. جولدارداعى قاۋىپسىزدىك ءۇشىن الىس ساپارلارعا شىقپاس بۇرىن، اۋا رايى جاعدايىن ەسكەرىپ، قۇتقارۋ قىزمەتىنىڭ ەسكەرتۋلەرىنە كوڭىل ءبولۋ كەرەك. اۋا رايى ناشارلاعان جاعدايدا ەلدى مەكەندەردەن شىقپاي، قاجەتتىلىك تۋىنداسا، كولىكتىڭ بالامالى ءتۇرىن پايدالانعان ءجون»، - دەلىنگەن ۆەدومستۆونىڭ حابارلاماسىندا.
جامبىل وبلىسىنىڭ ت ج د- دا ازىرگە قانداي دا ءبىر اقپارات بەرۋدەن باس تارتتى.