الماتىلىقتار ەكپە سالدىرۋدا تاۋلىكتىك بەلسەندىلىگىن ساقتاپ كەلەدى
بۇل تۋرالى قالالىق قوعامدىق دەنساۋلىق ساقتاۋ باسقارماسى ءمالىم ەتتى، دەپ حابارلايدى قازاقپارات ءتىلشىسى.
«16-قاراشا كۇنى 4016 الماتىلىق ۆاكسينا سالدىردى. كوروناۆيرۋسقا قارسى ەكپەنىڭ 1-كومپونەنتىن - 2202، 2- كومپونەنتىن - 1814 ادام الدى. ۆاكسينا سالدىرعاندار سانى بويىنشا الماتى قالاسى الدىڭعى ورىندا. بيىلعى جىلدىڭ 1-اقپانى مەن 16-قاراشا ارالىعىندا قالادا 1012837 تۇرعىن ۆاكسينانىڭ ءبىرىنشى كومپونەنتىن، 964717 ادام ەكىنشى كومپونەنتىن سالدىرعان. ونىڭ ىشىندە 121676 ادامنىڭ جاسى 60-تان اسقان»، - دەپ حابارلادى باسقارمادان.
قالادا 132 پۋنكت جۇمىس ىستەپ تۇر. 733 ادامنان تۇراتىن 205 ەگۋ بريگاداسى بار.
«قازىر مەديتسينا ۇيىمدارىندا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ س و س و- دا ۆاكسيناتسيا پۋنكتى جۇمىس ىستەيدى»، - دەپ ناقتىلادى دەنساۋلىق ساقتاۋ باسقارماسىنىڭ باسپا ءسوز قىزمەتى.