بوسقىندار پولشا اۋماعىنا شابۋىلداپ كىرمەك بولدى. ءتارتىپ ساقشىلارى ميگرانتتارعا كوز جاساۋراتاتىن گاز بەن سۋ شاشىپ، زوردىڭ كۇشىمەن توقتاتقان. ءتىپتى قاۋمالاعان جۇرت شەكارا دۋالىن بۇزىپ، پوليسياعا شولمەك پەن تاس جاۋدىردى. پولشا قورعانىس مينيسترلىگىنىڭ مالىمەتى بويىنشا كەيبىرەۋلەر ءتىپتى دىبىستىق گراناتالارمەن دە قارۋلانعان.
Reuters اقپارات اگەنتتىگى بىرنەشە ءتارتىپ ساقشىسى زارداپ شەگىپ، اۋرۋحاناعا تۇسكەنىن حابارلادى. كوبىسى باسىنان جارالانعان.
ايتا كەتەيىك، قازىر پولشا شەكاراسىن 20 مىڭعا جۋىق سارباز كۇزەتىپ تۇر. كۋزنيتسا ەلدى مەكەنىنىڭ ماڭىنا شامامەن 4 مىڭعا جۋىق بوسقىن جينالعان. ميگرانتتاردىڭ ايتۋىنشا بەلارۋس بيلىگى ولاردى كەرى قابىلداماي جاتىر.