«ەل بىرلىگى - ءبىزدىڭ باعا جەتپەس بايلىعىمىز. كەيبىر شەتەلدىك ساياسي كۇشتەر ەل ىشىنە ىرىتكى سالعىسى كەلىپ، قازاقستان تۋرالى جالعان اقپارات تاراتۋدا. وسىنداي ارەكەتتەرگە قارسى تۇرۋ ءۇشىن اقپاراتتىق كەڭىستىك ارقىلى وزىمىزدە دە، شەتەلدە دە ۇگىت- ناسيحات جۇرگىزۋ كەرەك. تاعى دا ايتايىن، تاۋەلسىزدىك بارىنەن قىمبات. تاۋەلسىزدىگىمىز ءبارىمىز ءۇشىن ەڭ قۇندى دۇنيە. تاۋەلسىزدىگىىزدى داڭعازا ۇراندارمەن ەمەس، اقىلمەن، پاراساتتىلىقپەن، بىلىممەن، سابىرمەن قورعاۋ قاجەت. بۇل ماقساتقا جەتۋ ءۇشىن تاتۋلىق كەرەك. ەلىمىزدىڭ ءبىرتۇتاستىعى - رەفورمالاردىڭ تابىستى جۇزەگە اسۋىنىڭ باستى كەپىلى. ءبىز تاۋەلسىزدىك كەزەڭىندە تولايىم تابىسقا كەنەلدىك. ونىڭ بارىنە بىرلىك پەن ىنتىماق ساياساتىنىڭ ارقاسىندا جەتتىك. سوندىقتان وسى قۇندىلىقتاردى ساقتاي بىلەيىك»، - دەپ تۇيىندەدى ءسوزىن مەملەكەت باسشىسى.
دەموكراتيا دەگەن جەلەۋمەن قوعامعا ىرىتكى سالاتىن ارەكەتكە جول بەرىلمەيدى.
«قازىر ەلىمىزدە رەفورمالار جۇرگىزىلىپ جاتقانىن ەشكىم جوققا شىعارمايدى. بارلىق سالادا بىرتىندەپ ساپالى وزگەرىس بولىپ جاتىر. مۇنىڭ بارلىعى ەلىمىزدىڭ بولاشاعىنا تىكەلەي اسەر ەتەدى. سوندىقتان ءاربىر رەفورمانى تياناقتى ءارى تۇپكىلىكتى جۇزەگە اسىرۋ اسا ماڭىزدى. ەڭ باستىسى قوعامدا جاسامپازدىق رۋحى دارىپتەلە بەرۋى ءتيىس. اشىق پىكىرتالاس جانە مازمۇندى ديالوگ قاشاندا بولۋى كەرەك. بۇل ەلىمىزدى ودان ارى وركەندەتۋ ءۇشىن قاجەت»، - دەدى مەملەكەت باسشىسى.
وسى رەتتە پرەزيدەنت حالقىمىز «كەلىسىپ پىشكەن تون كەلتە بولماس» دەپ بەكەر ايتپاعانىن ەسكە سالدى.
«ادەتتە ماسەلە جان- جاقتى تالقىلانسا، دۇرىس شەشىمى تابىلادى. ءبىراق، دەموكراتيا دەگەن جەلەۋمەن قوعامعا ىرىتكى سالاتىن ارەكەتكە جول بەرىلمەيدى. مۇنى ەستەن شىعارماعان ءجون. «پليۋراليزمگە اشىق، راديكاليزمنەن قاشىق بولۋىمىز كەرەك». ءبىزدىڭ ساياساتىمىزدىڭ باستى ۇستانىمى - وسى»، - دەدى قاسىم- جومارت توقايەۆ.
اۆتور: مارلان جيەمباي