بۇل تۋرالى ۇلتتىق قوعامدىق سەنىم كەڭەسىنىڭ 6-وتىرىسىندا ۇلتتىق قوعامدىق سەنىم كەڭەسىنىڭ حاتشىسى ەرلان كارين ايتتى، دەپ حابارلايدى قازاقپارات ءتىلشىسى.
«ۇلتتىق قوعامدىق سەنىم كەڭەسىنىڭ بەس وتىرىسىنان بەرى كەڭەس مۇشەلەرى حاتشىلىقپەن بىرگە بىرنەشە باعىتتا جۇمىس اتقاردى. بىرىنشىدەن، ۇلتتىق كەڭەس مۇشەلەرى تىعىز قارىم- قاتىناستى دامىتا وتىرىپ، جاڭا ۇسىنىستاردى بىرلەسە پىسىقتادى. اتاپ ايتقاندا، بيىل ونلاين فورماتتا ۇلتتىق كەڭەس مۇشەلەرىنىڭ جانە مينيسترلەردىڭ قاتىسۋىمەن 7 كەزدەسۋ ءوتتى. وندا كوپتەگەن ۇسىنىس تالقىلانىپ، سونىڭ ناتيجەسىندە ءبىرقاتار ماسەلە وڭ شەشىمىن تاپتى. جۋىق ارادا تاعى بىرنەشە مينيسترمەن ونلاين كەزدەسۋ وتكىزۋدى جوسپارلاپ وتىرمىز. ەكىنشىدەن، مامىر ايىنان باستاپ ۇلتتىق كەڭەس مۇشەلەرى وڭىرلەرگە ساپارعا شىعا باستادى. ولار ماڭعىستاۋ، سولتۇستىك قازاقستان، قاراعاندى وبلىستارىندا بولدى. ساپار بارىسىندا ايماقتاعى بەلسەندى ازاماتتارمەن، جەرگىلىكتى قوعام وكىلدەرىمەن ءتيىمدى بايلانىس ورناتىلدى. سونىڭ ارقاسىندا وڭىرلەردەگى وزەكتى ماسەلەلەردى رەسپۋبليكالىق دەڭگەيدە كوتەرۋگە مۇمكىندىك تۋدى. ءدال وسىنداي كەزدەسۋلەر باسقا دا وبلىستاردا وتكىزۋ كوزدەلۋدە»، - دەدى ەرلان قارين.
كەڭەس حاتشىسى ۇشىنشىدەن، ۇلتتىق كەڭەس مۇشەلەرى مەن حاتشىلىق جاڭا ۇسىنىستار توپتامالارىن ازىرلەۋمەن قاتار پرەزيدەنتتىڭ رەفورمالارىنىڭ ىسكە اسىرىلۋ بارىسىن ۇنەمى باقىلاۋدا ۇستاپ وتىرعاندىعىن باسا ايتتى.
«ۇلتتىق كەڭەستىڭ ءاربىر وتىرىسىنان كەيىن مەملەكەت باسشىسىنىڭ تاپسىرمالارىن ورىنداۋ ءۇشىن ارناۋلى جوسپار بەكىتىلەدى. حاتشىلىق وسى جوسپاردىڭ نەگىزىندە بارلىق باستامانى ۋاقىتىلى جانە ساپالى ورىندالۋىن قاداعالايدى. سودان كەيىن ءتيىستى انىقتامالىق اقپارات تۇراقتى تۇردە پرەزيدەنت اكىمشىلىگى باسشىلىعى مەن كەڭەس مۇشەلەرىنە جىبەرىلىپ، رەسمي سايتتا جاريالانادى. وسىلايشا، ارىپتەستەرىمىز مەملەكەت باسشىسىنىڭ باستامالارىن جۇزەگە اسىرۋ بارىسىنان ۇنەمى حاباردار بولىپ، ىسكە اسىرىلعان رەفورمالار بويىنشا تولىق تالداۋ جاساي الادى»، - دەدى ول.
ونىڭ اتاپ وتۋىنشە، ۇلتتىق كەڭەس قۇرىلعاننان بەرگى 2,5 جىلدىڭ ىشىندە كەڭەسكە 19 ادام جاڭادان مۇشە بولدى. سول ارقىلى كەڭەستىڭ قۇرامى عانا ەمەس، وندا قارالاتىن ماسەلەلەردىڭ مازمۇنى دا تولىعا ءتۇستى. مۇنىڭ بارلىعى ۇلتتىق كەڭەس قىزمەتى تيىمدىلىگىن ارتتىرۋعا مۇمكىندىك بەرەدى. بۇل جۇمىس الداعى ۋاقىتتا دا جالعاسپاق.
اۆتور: مارلان جيەمباي