دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.
قازاق ءتىلىنىڭ قوعام ومىرىندەگى ءرولىن كۇشەيتۋدىڭ نەگىزگى شارتتاردىڭ ءبىرى - وزگە ۇلت جاستارى اراسىندا قازاق ءتىلىنىڭ قولدانىس اياسىن كەڭەيتۋ، قازاق ءتىلىنىڭ ەتنوسارالىق قارىم- قاتىناس ءتىلى رەتىندەگى قىزمەتىن نىعايتۋ. ونلاين وتكەن بايقاۋعا رەسپۋبليكانىڭ 14 وبلىسى مەن نۇر- سۇلتان، الماتى، شىمكەنت قالالارىنان 21-35 جاس ارالىعىنداعى وزگە ەتنوس جاستارى قاتىستى.
العاشقى كەزەڭ الدىن الا جىبەرىلگەن قاتىسۋشىلاردىڭ ءوزى تۋرالى 3 مينۋتتان اسپايتىن مەملەكەتتىك تىلدەگى بەينەماتەريالدان تۇرسا، كەلەسى بولىگىندە قازاق ەلىنىڭ تاريحى مەن ۇلى تۇلعالارى، قازاق جەرى جانە ونىڭ ايماقتارى جونىندەگى ەكرانداعى ۇياشىقتاردا كورسەتىلگەن تاقىرىپتا وي تەربەدى، سوڭعى كەزەڭدە «مەنىڭ تاۋەلسىز قازاقستانىم» تاقىرىبىندا ەسسە جازدى.
قازىلار القاسىنىڭ قىزۋ تالقىلاۋىنان كەيىن بايگەنىڭ باس جۇلدەسىن اقمولا وبلىسى سەلينوگراد اۋدانى ارايلى اۋىلى جالپى ورتا ءبىلىم بەرەتىن مەكتەبىنىڭ قازاق ءتىلى مەن ادەبيەتى ءپانىنىڭ مۇعالىمى اناستاسيا يرۋبايەۆا قانجىعاسىنا بايلادى.
«سايىس وتە جوعارى دەڭگەيدە ءوتتى، ءار وڭىردەن قاتىسقان ۇمىتكەرلەر ورتاعا بار كۇش- جىگەرىن سالدى. بۇگىنگى سايىستا جەڭىمپاز اتانعانىما وتە قۋانىشتىمىن. بولاشاقتاعى ارمان- ماقساتىم ەل بولاشاعىنا قالتقىسىز ەڭبەك ەتىپ، مەملەكەتتىك ءتىلدىڭ مارتەبەسىن نىعايتۋعا ءوز ۇلەسىمدى قوسۋ» - دەپ ءبولىستى بايقاۋ جۇلدەگەرى.
ايتا كەتەيىك، اقمولا وبلىسىنىڭ وكىلدەرى بۇعان دەيىن دە بىرنەشە رەت رەسپۋبليكالىق سايىستاردا جۇلدەلى ورىنداردى يەلەندى.
اۆتور: اسلان وسپانوۆ