الماتى وبلىسىندا قانت قىزىلشاسى القابىنىڭ كولەمى وسەدى

نۇر-سۇلتان. قازاقپارات - جىل سوڭىنا قاراي اۋىل شارۋاشىلىعىنىڭ جالپى ءونىم كولەمى العاش رەت ءبىر تريلليون تەڭگەدەن اسادى.

بۇل تۋرالى الماتى وبلىسىنىڭ اكىمى اماندىق باتالوۆ ايتتى، دەپ حابارلايدى قازاقپارات ءتىلشىسى.

«اۋىل تۇرعىندارىنىڭ تابىسىن ارتتىرۋ جانە ازىق-تۇلىك قاۋىپسىزدىگىن قامتاماسىز ەتۋ ماقساتىندا اگروونەركاسىپتىك كەشەندى دامىتۋ بويىنشا شارالار قابىلدانۋدا. بيىل مەملەكەتتىك قولداۋعا 50 ميلليارد تەڭگەدەن استام قاراجات ءبولىندى، ونىڭ ىشىندە 43 ميلليارد تەڭگە - سۋبسيديالار. 15 مىڭ شارۋاشىلىق قامتىلدى. وبلىستا اۋىل شارۋاشىلىعى داقىلدارى القابى 972 مىڭ گەكتارعا جەتكىزىلدى، ونىڭ ىشىندە قانت قىزىلشاسى - 16 مىڭ، جۇگەرى - 95 مىڭ، كارتوپ 40 مىڭ گەكتاردان استى. ءبىز 2025-جىلعا دەيىن قانت قىزىلشاسى القابىن 53 مىڭ گەكتارعا دەيىن ۇلعايتۋ ەسەبىنەن ءوندىرىس كولەمىن ەكى ميلليون تونناعا دەيىن جەتكىزۋ جونىندە اۋقىمدى مىندەت قويىپ وتىرمىز»، - دەدى ا. باتالوۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، ول ءۇشىن جالپى وڭدەۋ قۋاتى جىلىنا 1 ميلليون 100 مىڭ توننا كوكسۋ جانە اقسۋ قانت زاۋىتتارىن جاڭعىرتۋ جوسپارلانۋدا. بۇدان بولەك، 2030-جىلعا قاراي سۋارمالى جەر كولەمىن 3 ميلليون گەكتارعا دەيىن ۇلعايتۋ تۋرالى ەلباسىنىڭ جانە پرەزيدەنتتىڭ 2019-جىلعى جولداۋىنداعى تاپسىرمالارى اياسىندا وبلىس بويىنشا 138 مىڭ گەكتاردى قالپىنا كەلتىرۋ جوسپارلانۋدا. سوڭعى ءۇش جىلدا اينالىمعا 39 مىڭ گەكتار بۇرىن شىعىپ قالعان سۋارمالى جەر تارتىلدى. وسى جىلى 14 مىڭ گەكتاردى قالپىنا كەلتىرۋ ءۇشىن 6,3 ميلليارد تەڭگەگە يرريگاتسيالىق قۇرىلىستارعا كۇردەلى جوندەۋ جۇرگىزىلۋدە.

«وتكەن جىلمەن سالىستىرعاندا مال مەن قۇس سانى ورتا ەسەپپەن 2 پروتسەنتكە ءوستى. مال قىستاۋى ءۇشىن وبلىس جەم-شوپپەن تولىق قامتاماسىز ەتىلىپ، 5,3 ميلليون توننا ازىق دايىندالدى. ماڭعىستاۋ وبلىسىنىڭ زارداپ شەككەن فەرمەرلەرىنە گۋمانيتارلىق كومەك رەتىندە 54 ۆاگون ءشوپ جىبەرىلدى. بارلىعى 117 مال بورداقىلاۋ الاڭى جانە 84 ءسۇت-تاۋار فەرماسى جۇمىس ىستەيدى، سونىڭ ەسەبىنەن ەت وڭدەۋ كاسىپورىندارىنىڭ جۇكتەمەسى r- عا، ءسۇت زاۋىتتارى � كە جەتتى. اگروونەركاسىپ كەشەنىنىڭ قايتا وڭدەلگەن ونىمدەرىنىڭ ەكسپورتى % ءوسىپ، 97 ميلليون ا ق ش دوللارىن نەمەسە جالپى اگروونەركاسىپ كەشەنى ەكسپورتىنىڭ 73 پايىزىن قۇرادى. جىل سوڭىنا قاراي اۋىل شارۋاشىلىعىنىڭ جالپى ءونىم كولەمى العاش رەت ءبىر تريلليون تەڭگەدەن اسادى»، - دەدى اكىم.