استاناداعى كاسىپقوي بوكس كەشى: دانيار ەلەۋسىنوۆ چەمپيوندىق تيتۋلعا تالاسادى
وندا كەشتىڭ باستى وقيعاسى جارتىلاي ورتا سالماقتاعى دانيار ەلەۋسىنوۆتىڭ (10-0، 6ك و) جانە اۋىر سالماقتاعى يۆان دىچكونىڭ (10-0، 10 ك و) جەكپە-جەكتەرى بولماق. وليمپيادا چەمپيونى د. ەلەۋسىنوۆ بىردەن ەكى تيتۋل: IBF Inter- Continental نۇسقاسى بويىنشا الەم چەمپيونى جانە IBO تيتۋلى ءۇشىن قولعاپ تۇيىستىرەدى.
«18-جەلتوقسان. نۇر- سۇلتانداعى بوكس كەشى. تاۋەلسىزدىك كۇنى. جارتىلاي ورتا سالماقتاعى الەم چەمپيونى تيتۋلى ءۇشىن باستى ايقاس. وتكىزىپ الماڭىزدار!»، - دەپ جازدى دانيار instagram-داعى پاراقشاسىندا كەش تۋرالى ۆيدەو- انونس جاريالاي وتىرىپ.
ەلەۋسىنوۆ پەن دىچكونىڭ قارسىلاستارى ازىرگە اتالعان جوق. ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىندا ۇسىنىلعان مالىمەتكە سۇيەنسەك، بۇل كۇنى رينگكە دانيار ەلەۋسىنوۆتىڭ ءىنىسى داۋرەن ەلەۋسىنوۆ (8-1-1، 7 ك و) شىعادى. ونىڭ قارسىلاسى – 13 ايقاسىندا جەڭىسكە جەتىپ، 4 ەۋىندە جىعىلعان ازەربايجاندىق ءالي ماممادوۆ.
پروفيبوكس كەشى «حابار» تەلەارناسىنان كورسەتىلەدى.