«جالپى الىپ قاراساق، سۋبسيدياسىز ەش ەلدىڭ تىرشىلىگى ونبەيدى. سەبەبى، اگرارلىق ونەركاسىپ كەشەنى وتە اۋىر سالانىڭ ءبىرى. اسىرەسە، قازاقستان ءۇشىن اگرارلىق ونەركاسىپ كەشەنى جاي عانا بيزنەس ەمەس، ول - ءومىر سالتى. بۇل جەردە ايتارلىقتاي الەۋمەتتىك ماسەلە جاتىر. ياعني ۇلكەن بيزنەستەگى كاسىپكەرلەر ءوز ماسەلەسىن شەشۋمەن قاتار، قىزمەتكەرلەرىن ۇستاپ قالۋى كەرەك. قازىرگى تاڭدا جاستاردى اۋىلدا ۇستاي المايسىڭ، ولاردىڭ قىزىعى قالا، ينتەرنەت دەگەن سەكىلدى. ءبىزدىڭ ءومىرىمىز، ترانسفورماتسيا تيىسىنشە ءبىزدىڭ جاستار سونىڭ ىزىنەن كەتىپ جاتىر. سوندىقتان دا، ءبىز ءۇشىن اۋىل تىرشىلىگىنىڭ بولاشاعى ماڭىزدى بولىپ وتىر»، - دەدى ابىلاي مىرزاحمەتوۆ «Baigenews.kz» اقپارات اگەنتتىگىندە وتكەن «20:21» جوباسىنىڭ تىكەلەي ەفيرىندە.
ونىڭ ايتۋىنشا، اگرارلىق ونەركاسىپ كەشەن باعىتىندا قارجى ءتيىمدى يگەرىلۋى ءتيىس.
«بۇل - باستى سۇراق. ياعني كىمگە، قاي سالاعا، نە ءۇشىن جانە قانداي مەحانيزم ءۇشىن قارجىنىڭ ءبولىنىپ جاتقانى ماڭىزدى. جانە تاعى ءبىر ماڭىزدى جايت، يگەرىلگەن قارجىنىڭ قالاي باقىلانعانىن ەسكەرگەن ءجون»، - دەيدى ول. بۇعان دەيىن «اتامەكەن» ۇلتتىق كاسىپكەرلەر پالاتاسىنىڭ باسقارما ءتوراعاسى ابىلاي مىرزاحمەتوۆ Ashyq جوباسىنىڭ وتاندىق بيزنەستى دامىتۋ ىقپالىنا باعا بەرگەن ەدى.