ەلوردادا وتباسىلىق ۇرىس-كەرىس شىعاراتىندارمەن پوليتسيا قالاي كۇرەسەدى

نۇر-سۇلتان. قازاقپارات - نۇر-سۇلتان قالالىق پ د ەسىل اۋداندىق پوليتسيا باسقارماسى باستىعىنىڭ مىندەتىن اتقارۋشى مارات ءابىروۆ وتباسى شىرقىن بۇزاتىندارمەن كۇرەس قالاي جۇرگىزىلەتىندىگىن ايتىپ بەردى، دەپ حابارلايدى قازاقپارات ءتىلشىسى.

«ەسىل» اۋدانى بويىنشا ەسەپ بەرۋ كەزەڭىندە 102 ارناسىنا وتباسىلىق جانجالعا قاتىستى 2 مىڭعا جۋىق شاقىرتۋ كەلىپ ءتۇستى. ونىڭ ىشىندە 847 فاكت بويىنشا وتباسىلىق جانجالعا قاتىستى قورعاۋ ۇيعارىمى شىعارىلدى. 87 كورىنەۋ جالعان شاقىرتۋ جاساعانى ءۇشىن قۇقىق بۇزۋشىلار ق ر ا ق ب ت ك-نىڭ 437-بابىمەن جاۋاپكەرشىلىككە تارتىلدى. 445 تىنىشتىقتى بۇزۋ فاكتىسى بويىنشا ءىس- شارالار قولدانىلدى»، - دەدى ول بۇگىن ۇيىمداستىرىلعان بريفينگ بارىسىندا.

ونىڭ اتاپ وتۋىنشە، وسى جىلدىڭ 10 ايىنىڭ قورىتىندىسىندا ۋچاسكەلىك ينسپەكتورلار تاراپىنان وتباسىلىق- تۇرمىستىق قاتىناستاعى قۇقىققا قايشى ارەكەتتەرى ءۇشىن 160 ازاماتتى، ادام دەنساۋلىعىنا قاساقانا جەڭىل تۇردە زيان كەلتىرگەنى ءۇشىن 111 ازاماتتى، سونداي-اق 185 ازامات جانە 210 جانجالقويدى ۋاقىتشا ۇستاۋ كامەراسىنا قامادى.

«جىل باسىنىن بەرى سوتتىڭ شەشىمىمەن وتباسىلىق جانجالقويلاردىڭ ارەكەتىنە قاتىستى 38 قاتاڭ تالاپ ەنگىزىلدى. پوليتسەيلەر تۇرمىستىق زورلىق- زومبىلىق فاكتىلەرىن دەر كەزىندە انىقتاۋعا جانە جولىن كەسۋگە ەرەكشە نازار اۋدارادى. ەسەپكە الىنعان جانە قۇقىق بۇزۋشىلىق جاساۋعا بەيىم ادامدار قاشىقتىقتان - بەينە قوڭىراۋ ارقىلى تەكسەرىلەدى. ياعني، ۋچاسكەلىك ينسپەكتوردىڭ مۇنداي ادامداردى جەدەل باقىلاۋعا، ۇيدەگى جاعدايدى كوزبەن كورۋگە، سويلەسكەن كەزدە ادامنىڭ جاعدايىن باعالاۋعا، قاجەتتى سۇراقتارعا جاۋاپ الۋعا مۇمكىندىگى بار»، - دەدى مارات ءابىروۆ.

اۆتور: مارلان جيەمباي