اۋىر اتلەتيكادان قازاقستان قۇراماسىنا جاڭا باپكەر تاعايىندالدى
22:58, 08 - قاراشا 2021
نۇر-سۇلتان. قازاقپارات - اۋىر اتلەتيكادان قازاقستان قۇراماسىنىڭ باس باپكەرى بولىپ داۋرەن بەكمۇحامەدوۆ تاعايىندادى، دەپ حابارلايدى قازاقپارات ءتىلشىسى مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساي وتىرىپ.
«بۇل جاعدايعا البەرت ليندەردىڭ ءولىمى مەن ودان كەيىنگى ءبىرقاتار وقيعا، سپورتشىلاردىڭ، جاتتىقتىرۋشىلاردى، سونداي-اق، البەرت ليندەردىڭ تۋىستارىنىڭ كوپتەگەن ۇندەۋى سەبەپ بولدى.
وقيعاعا مينيستر ارالاسقاننان كەيىن جاتتىقتىرۋشىلار شتابى تاراپىنان ەرەجەلەر ورەسكەل بۇزىلعانى انىقتالدى، سونىڭ سالدارىنان قۇرامانىڭ باس جاتتىقتىرۋشىسى باقىت احمەتوۆ، اعا جاتتىقتىرۋشى سەرگەي سەدوۆ جانە باسقالارى جۇمىستان شەتتەتىلدى»، - دەلىنگەن حابارلامادا.
ەستەرىڭىزگە سالا كەتەيىك، 2020-جىلدىڭ مامىر ايىنان فەدەراتسيا تىزگىنىن ۇستاعان باقىت احمەتوۆ ۇستىمىزدەگى جىلدىڭ قازانىندا قىزمەتىنەن بوساتىلدى. باس باپكەردىڭ جۇمىستان كەتۋىنە 25 جاستاعى سپورتشى البەرت ليندەردىڭ مەزگىلسىز قازاسى مەن وقىس وقيعادان كەيىنگى وزگە دە سپورتشىلاردىڭ ايتقان پىكىرلەرى سەبەپ بولدى.