پوليتسيا دەپارتامەنتى قايعىلى وقيعانىڭ ءمان- جايىن ايتتى، دەپ حابارلايدى قازاقپارات lada.kz سايتىنا سىلتەمە جاساپ.
كىسى ءولتىرۋ وقيعاسى مۇنايلى اۋدانى باسقۇدىق اۋىلىندا بولعان.
«6 - قاراشادا ساعات 20:25-تە مۇنايلى اۋداندىق پوليتسيا ءبولىمىنىڭ 102 كەزەكشى پۋلتىنە باسقۇدىق اۋىلىندا بەرەكەت كوشەسىندە ەر ادامنىڭ ءمايىتى تابىلعانى تۋرالى قوڭىراۋ كەلىپ ءتۇستى. قوڭىراۋعا جەدەل تەرگەۋ توبى باردى، وقيعا ورنىندا كىسى ولتىرگەن دەگەن كۇدىككە ىلىنگەن ەكى ازامات ۇستالدى.
اتالعان فاكتى قازاقستان رەسپۋبليكاسى قىلمىستىق كودەكسىنىڭ 99-بابىنىڭ 2-تارماعى (ادام ءولتىرۋ) بويىنشا مۇنايلى اۋداندىق پوليتسيا ءبولىمىنىڭ سوتقا دەيىنگى تەرگەپ- تەكسەرۋلەردىڭ ءبىرىڭعاي تىزىلىمىندە تىركەلگەن. قازىرگى ۋاقىتتا كۇدىكتىلەر ۋاقىتشا ۇستاۋ يزولياتورىنا قامالدى، اتالعان فاكتى بويىنشا تەرگەۋ امالدارى جۇرگىزىلۋدە»، - دەپ حابارلادى ماڭعىستاۋ وبلىستىق پوليتسيا دەپارتامەنتى.
اۆتور: اقبوپە ءابدراسۋل