الەم چەمپيوناتى: مەدال العان قازاقستاندىق بوكسشىلارعا قوسىمشا اقشالاي سىياقى بەرىلەدى

نۇر- سۇلتان. قازاقپارات - بەلگرادتا ءوتىپ جاتقان الەم چەمپيوناتىندا قازاقستان ۇلتتىق قۇراماسىنىڭ بوكسشىلارى جاسىنداي جارقىلدادى.

بۇل تۋرالى قازاقپارات قازاقستان بوكس فەدەراتسياسىنىڭ باسپا ءسوز قىزمەتىنە سىلتەمە جاساپ حابارلايدى.

ءبىزدىڭ سپورتشىلار بەس مەدال جەڭىپ الدى. فينالدىڭ ءبىرىنشى كۇنىندە بىزدە التىن، كۇمىس جانە قولا بار. بۇگىن چەمپيوناتتىڭ سوڭعى كۇنى جانە ەل نامىسىن تاعى ەكى قازاقستاندىق قورعايدى.

چەمپيونات مەدالدارىنان بولەك، سپورتشىلار AIBA- دان 100000، 50000 جانە 25000 ا ق ش دوللارى كولەمىندە كەپىلدەندىرىلگەن جۇلدەلەرگە يە بولادى.

قازاقستان بوكس فەدەراتسياسىنىڭ پرەزيدەنتى كەڭەس راقىشيەۆ ءوز اتىنان الەم چەمپيوناتىنىڭ چەمپيوندارى مەن جۇلدەگەرلەرىنە قوسىمشا اقشالاي سىياقى بەرەدى. ال ەلگە كەلگەن سوڭ بوكسشىلارىمىزعا تولىق اقشالاي سەرتيفيكاتتار تابىستالادى:

ءبىرىنشى ورىنعا 70000، ەكىنشى ورىنعا 50000 جانە ءۇشىنشى ورىنعا 30000 ا ق ش دوللارى.