«قازاقستان ورتالىق ازياداعى ەڭ ۇلكەن ەكونوميكا ەكەنى بەلگىلى. وسى ورايدا ەكونوميكالىق دامۋ دەڭگەيى، جان باسىنا شاققانداعى جالپى ىشكى ءونىم كولەمى بويىنشا وڭىردەگى ەكونوميكالىق ەڭ دامىعان ەل بولىپ وتىر. سوندىقتان الداعى ۋاقىتتا دا قازاقستان ءۇشىن دامۋ الەۋەتىنىڭ مۇمكىندىگى جوعارى. بۇل تۇرعىدا ەۋروپالىق وداق تاراپىنان ءتيىستى قولداۋ جاساۋعا دايىنبىز»، - دەدى ۆالديس دومبروۆسكيس تىلشىلەر ساۋالىنا جاۋاپ بەرە وتىرىپ.
سونىمەن قاتار ول 2023 -جىلى «ەۋروپالىق وداق - ورتالىق ازيا» ەكىنشى ەكونوميكالىق فورۋمىنىڭ قازاقستاندا ءوتۋى باستاماسىن قولدايتىنىن جەتكىزدى.
«ەۋروپالىق وداقتىڭ ورتالىق ازياعا باعىتتايتىن ينۆەستيتسياسى ارتا تۇسەدى. ءبىز ەنەرگەتيكا، كولىك جەلىسى بويىنشا جۇمىستاردى جالعاستىرماقپىز، سونداي- اق جەكە جوبالار دا بارشىلىق. قازاقستان پرەمەر- ءمينيسترى اسقار مامينمەن كەزدەسكەندە ءتۇرلى سالالارداعى ىنتىماقتاستىقتى تالقىلادىق. ءبىزدىڭ ەلدەر اراسىنداعى ساۋدا ءارى ينۆەستيتسيالىق اعىندار وزگەرەتىنى انىق»، - دەدى ۆالديس دومبروۆسكيس.
بۇدان بۇرىن حابارلانعانداي، بيىل 5- قاراشادا بىشكەكتە پرەمەر- مينيسترلەر دەڭگەيىندە «ەۋروپالىق وداق - ورتالىق ازيا» ەكونوميكالىق فورۋمى ءوتتى. ق ر ۇكىمەت باسشىسى اسقار مامين 2023 -جىلى «ەۋروپالىق وداق - ورتالىق ازيا» ەكونوميكالىق فورۋمى بويىنشا قازاقستاندى قابىلداۋشى تاراپ رەتىندە ۇسىندى.
اۆتور: رۋسلان عابباسوۆ