ەلوردالىق جاس ءوسپىرىم دجيۋ-دجيتسۋدان ەكى دۇركىن الەم چەمپيونى اتاندى
الەم بىرىنشىلىگىندە نۇر-سۇلتان قالاسىنىڭ سپورتشىسى زاڭعار ابزال جاس وسپىرىمدەر اراسىندا چەمپيون اتاندى.
55 كەلى سالماق دارەجەسىندە ول جەكپە-جەك بولىمىندە ءتورت كەزدەسۋ وتكىزىپ، بىردە-ءبىر قارسىلاسىنان ۇتىلعان جوق. ءۇش كەزدەسۋىن مەرزىمىنەن بۇرىن ۇتتى. فينالدا زاڭعار بەلگيالىق ەمەن ستورەببيدى ۇپاي بويىنشا جەڭدى. بۇعان دەيىن ول 2019-جىلى گرەتسيادا وتكەن الەم بىرىنشىلىگىندە نيەۆازا بولىمىندە ءبىرىنشى ورىن العان بولاتىن.
وسىلايشا، زاڭعار دجيۋ-دجيتسۋدان ەكى دۇركىن الەم چەمپيونى اتاندى. ەلوردالىق سپورتشىنىڭ جەكە جاتتىقتىرۋشىسى اسلان وسپانوۆ ءوز شاكىرتىنىڭ جەڭىسكە دەگەن ەرىك-جىگەرىن ەرەكشە اتاپ ءوتتى
«زاڭعار مەندە 9 جاستان باستاپ جاتتىعادى. «ەگەر ءسىز جاقسى شاكىرت بولۋعا دايىن بولماساڭىز، جاقسى جاتتىقتىرۋشى ىزدەمەڭىز» دەگەن ءسوز ونىڭ جاتتىعۋعا دەگەن ىنتاسىن تولىقتاي سيپاتتاي الادى. زاڭعار ماعان باسقا سپورتشىلاردى جاتتىقتىرۋ كەزىندە كومەكتەسەدى جانە ولار ءۇشىن ۇلگى الۋعا لايىق سپورتشى. ءبىزدىڭ ماقساتىمىز ءارى قاراي دا قازاقستاننىڭ تۋىن الەمنىڭ ەڭ ءىرى ارەنالارىندا كوتەرۋ، ەلىمىزدىڭ اتىن شىعارۋ، وزگەلەرگە ۇلگى بولۋ، سالاۋاتتى ءومىر سالتىن جانە باسەكەلەستىك رۋحىن ناسيحاتتاۋ»، - دەدى ول ءوز سوزىندە.
ب ا ءا- دە دجيۋ-دجيتسۋدان الەم چەمپيوناتى 11- قاراشاعا دەيىن جالعاسادى.