«بۇگىندە ەلىمىزدە بەنزيننىڭ باعاسى تۇراقتى. ءبىز بەنزين باعاسىنا قاتىستى سوڭعى 3 جىلدىڭ ستاتيستيكاسىن قارادىق، وسى ۋاقىت ارالىعىندا باعا 15 تەڭگەگە قىمباتتاعان. ياعني 63 تەڭگەدەن 179 تەڭگەگە جەتكەن جانە بەنزين باعاسى ءار وڭىردە ءارتۇرلى. ارينە باعانىڭ الماتىعا قاراعاندا اتىراۋدا ارزان بولاتىنى تۇسىنىكتى. دەگەنمەن بۇگىنگى تاڭدا بەنزين باعاسىنىڭ وسۋىنە نەگىز جوق. ەكىنشىدەن، بەنزين باعاسىن ەنەرگەتيكا مينيسترلىگى رەتتەمەيتىنىن ەسكە سالعىم كەلەدى. باعا نارىققا بايلانىستى. ءيا، كەيبىر بەنزين وندىرۋشىلەر نارىق تۇراقسىزدىعىن پايدالانىپ باعانى ءوسىرىپ، قالتا قامىن ويلاۋى مۇمكىن. وسى ورايدا ءبىز مونيتورينگ جۇرگىزىپ وتىرمىز، ماقسات - جانار-جاعارماي تاپشىلىعى مەن باعا ءوسۋىنىڭ الدىن الۋ جانە بولدىرماۋ»، - دەدى ق ر ەنەرگەتيكا ءمينيسترىنىڭ ءبىرىنشى ورىنباسارى مۇرات جورەبەكوۆ و ك ق- دە وتكەن باسپا ءسوز ءماسليحاتىندا.
سونداي-اق، ۆيتسە-مينيستر ەلىمىزدە جانار-جاعارماي باعاسىنىڭ كورشى ەلدەرمەن سالىستىرعاندا ارزان ەكەنىن تىلگە تيەك ەتتى.
«جانار-جاعارماي باعاسىن كورشى ەلدەرمەن سالىستىرساق، ولاردا ايتارلىقتاي قىمبات. مىسالى، اي-92 بەنزينى قىرعىزستاندا 289 تەڭگە تۇرادى، وزبەكستاندا 323 تەڭگە ال رەسەيدە 287 تەڭگەنى قۇرايدى. جالپى جانار-جاعارماي باعاسى ۇنەمى نازاردا»، - دەيدى ول.