بۇل تۋرالى الماتى قالاسىنىڭ تۇرعىن ءۇي ساياساتى باسقارماسى باسشىسىنىڭ ورىنباسارى نۇربول قاجين وڭىرلىك كوممۋنيكاتسيالار قىزمەتىندە وتكەن بريفينگتە ايتتى، دەپ حابارلايدى قازاقپارات ءتىلشىسى.
«بۇگىنگى كۇنى الماتى قالاسى بويىنشا 2975 كوپپاتەرلى تۇرعىن ءۇيدى قامتيتىن 2782 جاڭا باسقارۋ نىسانى تىركەلدى. بۇل تۇرعىن ءۇي قورىنىڭ جالپى سانىنىڭ 9 عانا. ايتا كەتسەك، بىرنەشە كوپقاباتتى ءۇيدىڭ تۇرعىندارى كوبىنەسە ءبىر م ي ب- ءتى نەمەسە ج س- ءتى تىركەيدى «دولينا روز»، «كەرەمەت»، «پرەمەرا» جانە باسقا دا تۇرعىن ءۇي كەشەندەرى وسىنداي قاعيداتقا نەگىزدەلگەن»، - دەدى نۇربول قاجين.
ونىڭ ايتۋىنشا، م ي ب پەن ج س- كە كوشكەن ءۇي تۇرعىندارى تۇرعىن ءۇي قورىن كۇتىپ-ۇستاۋعا جۇمسالاتىن شىعىنداردىڭ قانداي ەكەنىن كورە الادى. ياعني ۇيلەردى باسقارۋدىڭ جاڭا فورمالارىنا كوشىرۋ وتە ورىندى، ويتكەنى تۇرعىن ءۇي -كوممۋنالدىق شارۋاشىلىق رەفورماسى ۇيلەردى كۇتىپ-ۇستاۋ ساپاسىن ارتتىرۋعا مۇمكىندىك بەرەدى، سەبەبى مۇنى تۇرعىنداردىڭ وزدەرى جاسايدى.
«الماتى قالاسىندا ەلىمىزدەگى ەڭ ءىرى تۇرعىن ءۇي قورى بار، ونىڭ 820 دان استام باسقارۋ ورگاندارىنا قىزمەت كورسەتەتىن 8645 كوپقاباتتى تۇرعىن ءۇي. بۇل م ي ب، ج س، پ ي ت ك. بۇگىنگى تاڭدا 50 گە جۋىق يەسىز باسقارۋ ورگاندارى جويىلدى. بۇل رەتتە 7517 كوپقاباتتى تۇرعىن ءۇي عانا باسقارۋدىڭ جاڭا نىساندارىنا كوشۋگە جاتادى. قالعاندارى ەسكىرگەن دەپ تانىلدى نەمەسە ولاردىڭ مەنشىك يەلەرى قازاقستاندىق يپوتەكالىق كومپانيا، كوممۋنالدىق تۇرعىن ءۇي قورى»، - دەدى ول.
سپيكەر قالا تۇرعىندارى باسقارۋدىڭ جاڭا فورمالارىنا كوشۋ قارقىنىن ارتتىرۋ قاجەتتىگىن اتاپ ءوتتى.
اكىمدىك كوپقاباتتى ۇيلەر تۇرعىندارىنىڭ باستاماسىن قولداۋعا جانە ماسەلەنى شەشۋگە كومەكتەسۋگە دايىن، ول ءۇشىن سەگىز موبيلدى توپ قۇرىلىپ، قالالىق جول كارتاسى، سونداي-اق تۇرعىندار اراسىندا جينالىستار وتكىزۋ كەستەسى بەكىتىلدى.
«اۋداندار بويىنشا سەگىز موبيلدى توپ قۇرىلدى، ولارعا تۇرعىن ءۇي ينسپەكسياسى مەن اكىمدىكتەردىڭ وكىلدەرى كىرەدى. ولار تۇرعىندارمەن جانە قولدانىستاعى باسقارۋ ورگاندارىنىڭ باسشىلارىمەن ءتۇسىندىرۋ جۇمىستارىن جۇرگىزەدى، م ي ب جانە ج س كوشۋ الگوريتمىن تۇسىندىرەدى. جىل باسىنان بەرى 800 جينالىس وتكىزىلدى»، - دەيدى باسقارما باسشىسىنىڭ ورىنباسارى.
ول ءسوز سوڭىندا الماتىلىقتاردى باسقارۋدىڭ جاڭا فورمالارىنا بەلسەندى كوشۋگە شاقىردى.
ەسكە سالساق، زاڭ تالاپتارىنا سايكەس ەلىمىزدەگى بارلىق كوپپاتەرلى ۇيلەر 2022-جىلدىڭ 1- شىلدەسىنە دەيىن ءۇيدى باسقارۋ ورگانىن اۋىستىرۋى ءتيىس. جۇمىس ىستەپ تۇرعان پ ي ك- ءتىڭ ورنىنا «ءبىر ءۇي - ءبىر مۇلىك يەلەرىنىڭ بىرلەستىگى - ءبىر شوت» قاعيداتى بويىنشا مۇلىك يەلەرىنىڭ بىرلەستىكتەرى (م ي ب) نەمەسە جاي سەرىكتەستىكتەر قۇرىلۋعا ءتيىس.