«مادەنيەت جانە سپورت مينيسترلىگى بوكستان ۇلتتىق قۇرامانىڭ دايىندىق جيىندارىنا جانە حالىقارالىق جارىستارعا قاتىسۋىنا 2019-2021 -جىلدارى رەسپۋبليكالىق بيۋدجەتتەن 1,5 ميلليارد تەڭگە ءبولدى»، - دەپ جازىلعان ۆەدومستۆو سايتىندا.
مينيسترلىكتىڭ مالىمەتى بويىنشا، ءتۇرلى حالىقارالىق جارىستار مەن وليمپيادا ويىندارىنداعى جەڭىسىنە، سونىڭ ىشىندە الەم چەمپيوناتتارىندا مىناداي مولشەردە اقشالاي تولەمدەر قاراستىرىلعان: 1-ورىن ءۇشىن 15000 ا ق ش دوللارى؛ 2 ورىن ءۇشىن 7000 ا ق ش دوللارى؛ 3-ورىن ءۇشىن 5000 ا ق ش دوللارى. ال ولاردىڭ جاتتىقتىرۋشىلارىنا كەلەسى مولشەردە: 1-ورىن ءۇشىن 10000 ا ق ش دوللارى؛ 2-ورىن ءۇشىن 5000 ا ق ش دوللارى؛ 3-ورىن ءۇشىن 3000 ا ق ش دوللارى قاراستىرىلعان.
«ق ر دەنە شىنىقتىرۋ جانە سپورت تۋرالى» زاڭىنا سايكەس، قازاقستان بوكس فەدەراتسياسى بەلگراد (سەربيا) قالاسىندا سپورتشىلاردى دايىنداۋعا، بوكستان قازاقستاندىق دەلەگاتسيانى باسقارۋعا جانە سۇيەمەلدەۋگە جانە ولاردىڭ كوممۋنيكاتسياسىنا جاۋاپ بەرەدى. ۇلتتىق قۇرامانىڭ جەكەلەگەن بوكسشىلارىنا اقشا بەرۋ - بۇل فەدەراتسيا مەن مينيسترلىكتىڭ رەسمي تۇلعاسى بولىپ سانالمايتىن ازاماتتىڭ جەكە باستاماسى. قازىر سەربيادا قازاقستان بوكس فەدەراتسياسىنىڭ باسشىلىعى مەن جاتتىقتىرۋشىلار قۇرامى بار. ولارعا مينيسترلىك اتالعان فاكتى بويىنشا تۇسىنىكتەمە الۋ ءۇشىن رەسمي سۇراۋ جىبەردى. قازاقستان رەسپۋبليكاسى مادەنيەت جانە سپورت مينيسترلىگى تاراپىنان قازاقستان رەسپۋبليكاسىنىڭ ۇلتتىق وليمپيادا كوميتەتىمەن بىرلەسىپ بوكستان ۇلتتىق قۇراما كوماندالاردىڭ سپورتشىلارىن ساپالى دايارلاۋ ءۇشىن بارلىق جاعداي جاسالعان»، - دەلىنگەن رەسمي مالىمەتتە.
ەسكە سالساق، الەۋمەتتىك جەلىدە شەتەلدە جۇرگەن قازاقستاندىق ارمان جۇماگەلديەۆتىڭ سەربياداعى الەم چەمپيوناتىنا قاتىسىپ جاتقان بوكسشىلارعا اقشا تاراتقانى تۋرالى ۆيدەو پايدا بولدى.
اۆتور: ەسىمجان ناقتىباي