بۇعان بۇل سالادا جۇرگىزىلگەن العاشقى ءىرى زەرتتەۋ دالەل بولدى. جاريالانىم Health Economics باسىلىمىندا جارىققا شىقتى.
زەرتتەۋدى بەلگيا عالىمدارى جۇرگىزگەن. عالىمدار مەكتەپ جاسىنا دەيىنگى 462 بالانى الىپ، ەكى توپقا بولگەن ەكەن. بىرىنشىسىنە قانتى بار ءتاتتى سۋسىنداردى بەرسە، ەكىنشىسىنە وندىرىستىك ءتاتتى زاتتار قوسىلعان سۋسىنداردى بەرگەن.
اتالعان سۋسىندى ىشكەن بالالاردىڭ العاشىندا «كوڭىل-كۇيى جاقسارىپ»، بوساڭسىعانداي كۇي كەشكەنىمەن، كەيىن وقۋعا دەگەن ىنتاسى ازايىپ، مازاسىز كۇيگە تۇسكەن. اسىرەسە، ۇل بالانىڭ مازاسى قاشقانى كوبىرەك بايقالعان.
ءتاتتى سۋسىندى ىشۋدەن بالانىڭ ويلاۋ جانە ماتەماتيكا ەسەپتەرىن شەشۋ سىندى قابىلەتتەرى دە ناشارلاعانى بايقالعان. ءبىراق بۇل جەردە ۇل بالانىڭ عانا نەمەسە قىز بالانىڭ عانا زەيىنى كوبىرەك ناشارلادى دەۋگە كەلمەيدى. بالانىڭ جالپى زەيىنى تومەن تۇسكەنى بايقالادى.
«ءبىزدىڭ بۇل زەرتتەۋىمىز - بالانىڭ زەيىنى مەن ءتاتتى سۋسىن اراسىنداعى كەرى بايلانىستىڭ بارىن انىقتاعان العاشقى ءىرى زەرتتەۋ»، - دەپ اتاپ ءوتتى ليەۆەن كاتوليك ۋنيۆەرسيتەتىنىڭ فيلوسوفيا عىلىمدارىنىڭ دوكتورى، زەرتتەۋ اۆتورى فريتس شيلتتس.
massaget.kz