الدىمەن «پرومماشكومپلەكت» تەمىرجول دوڭگەلەكتەرىن شىعاراتىن زاۋىتتىڭ جۇمىسىمەن تانىستى، دەپ حابارلايدى اقوردانىڭ رەسمي سايتى.
مەملەكەت باسشىسىنا ءوندىرىس بارىسى كورسەتىلىپ، جۇمىسشىلاردى الەۋمەتتىك قولداۋ شارالارى، كاسىپورىننىڭ ەكسپورتتىق الەۋەتى مەن ودان ءارى جاڭعىرتۋ جوسپارى تۋرالى مالىمەت بەرىلدى.
2012-جىلى سالىنعان زاۋىت 700 دەن 1250 م م- گە دەيىنگى ءارتۇرلى ديامەترلى جانە ديسكىلى كونسترۋكسياداعى تەمىرجول دوڭگەلەكتەرىن شىعارادى.
زاۋىت جىلىنا 300 مىڭ دانا ءونىم شىعارادى. كومپانيادا 750 گە جۋىق ادام جۇمىس ىستەيدى. بۇدان كەيىن پرەزيدەنت سەرپىندى كلەممالار مەن بۇراندالار شىعاراتىن «فەرروترانسترەيد» زاۋىتىن ىسكە قوستى.
- بۇگىندە ەكىباستۇز ەلىمىزدىڭ تەمىرجول ماشينا جاساۋ ورتالىعىنا اينالدى. قالا كاسىپورىندارى ونەركاسىپ ءونىمىنىڭ 73 پايىزىن قۇرايدى. ولار جىل سايىن تەمىرجول سالاسىنا قاجەتتى 85 ميلليارد تەڭگەنىڭ ءونىمىن شىعارادى. ونىڭ 70 پايىزى ەكسپورتتالادى. بۇگىن ت مد ەلدەرىندە بالاماسى جوق «فەرروترانسترەيد» زاۋىتى ىسكە قوسىلدى. بۇل جەردەن حالىقارالىق ساپا ستاندارتتارىنا سايكەس كەلەتىن كومپونەنتتەردى شىعارادى. جاڭا ءوندىرىس تولىق كۇشىنە ەنگەننەن كەيىن «قازاقستان تەمىر جولى» ۇلتتىق كومپانياسى تەرمينالدار مەن بۇراندالاردى يمپورتتايتىن بولادى. كاسىپورىن وتاندىق ماشينا جاساۋ سالاسىنىڭ باسەكەگە قابىلەتتىلىگىن ارتتىراتىنىنا سەنىمدىمىن، - دەدى قاسىم-جومارت توقايەۆ.
مەملەكەت باسشىسى كاسىپورىننىڭ ونىمدەرىنەن جاسالعان كورمەنى ارالاپ، زاۋىتتىڭ ەڭبەك ۇجىمىمەن كەزدەستى.
بۇل جەردە 160 ادام جۇمىس ىستەيدى. زاۋىت جىلىنا رەلس بەكىتەتىن 3 ميلليون جيناق جانە 4,5 ميلليون دانا پوليمەرلى توسەۋ قۇرالىن شىعارادى. پرەزيدەنتكە تەمىر جول سالاسىنداعى ونەركاسىپتىڭ جەتىستىكتەرى مەن پەرسپەكتيۆالارى تۋرالى اقپارات بەرىلىپ، بەينەروليك كورسەتىلدى.
بۇل كاسىپورىندار تەمىر جول سالاسىنداعى ەلىمىزدىڭ شيكىزاتتىق ەمەس ەكسپورتىنىڭ ۇلەسىن ايتارلىقتاي ارتتىرۋعا مۇمكىندىك بەرەدى.