پرەزيدەنتتىك جاستار كادر رەزەرۆىنىڭ ءبىرقاتار وكىلى، اتاپ ايتقاندا، ەرتىس اۋدانىنىڭ اكىمى ايان بەيسەكين، «Nur Otan» پارتياسى وبلىستىق فيليالى ءتوراعاسىنىڭ ءبىرىنشى ورىنباسارى يليا تەرەنچەنكو جانە «ەكىباستۇز ماەس-2» ا ق ديرەكتورلار كەڭەسىنىڭ مۇشەسى دامير سۇيەنتايەۆ مەملەكەت باسشىسىنىڭ الدىندا ءسوز سويلەپ، بەرىلىپ وتىرعان مۇمكىندىك ءۇشىن العىس ايتتى.
ولاردىڭ ايتۋىنشا، پرەزيدەنتتىك جاستار كادر رەزەرۆىن قۇرۋ، اۋىل اكىمدەرىن سايلاۋ سياقتى باستامالار جاستارعا جول اشىپ وتىر. قاسىم-جومارت توقايەۆ جاستاردان وڭىردەگى وزەكتى ماسەلەلەر تۋرالى سۇراپ، كادر رەزەرۆىندە بولۋدىڭ جاۋاپكەرشىلىگىن اتاپ ءوتتى.
- جاستار كادر رەزەرۆى دەگەنىمىز - مەملەكەتتىڭ رەزەرۆى. ماسەلە ۇلكەن باستىق بولۋدا ەمەس، رەزەرۆ وكىلى بولۋدىڭ ءمانى - ەل ءۇشىن ايانباي ەڭبەك ەتۋدە. مەملەكەتتىڭ دامۋى جولىندا وزدەرىڭىزدەي ماماندار قاجەت. ءبىز بۇگىن وسى وڭىردەگى جانە ەلىمىزدەگى تۇيتكىلدى ماسەلەلەردى اشىق تالقىلادىق. سونى جۇزەگە اسىرۋعا سىزدەردىڭ كومەكتەرىڭىز قاجەت بولادى. بارلىق باستامالارىڭىزعا تابىس تىلەيمىن، - دەدى قازاقستان پرەزيدەنتى.