بۇل تۋرالى قارجىلىق مونيتورينگ اگەنتتىگىنەن ءمالىم ەتتى، دەپ حابارلايدى قازاقپارات.
«بيىلعى 28-قازاندا قارجىلىق مونيتورينگ اگەنتتىگى نۇر-سۇلتان قالاسى بويىنشا اۋماقتىق دەپارتامەنتىنىڭ قىزمەتكەرلەرى جالعان دوللار وتكىزۋ كەزىندە ەلوردا تۇرعىنىن ۇستادى. تەرگەۋ بارىسىندا قىلمىس جاساۋشى بىرنەشە رەت نومينالى 50 ا ق ش دوللارىن قۇرايتىن جالعان كۋپيۋرالاردى سپورتتىق ويىندارعا ۇتىسقا سالعانى انىقتالدى. سونداي-اق، ونىڭ ەكى سىبايلاسى ۇستالدى، ولاردىڭ ۇيىنەن جالعان 7,6 مىڭ دوللار انىقتالدى. اتالعان دەرەك بويىنشا سوتقا دەيىنگى تەرگەۋ باستالدى. تەرگەۋ سوتى جوعارىدا اتالعان تۇلعالارعا 2 اي مەرزىمگە «قاماۋدا ۇستاۋ» تۇرىندەگى بۇلتارتپاۋ شاراسىن سانكتسيالادى»، - دەلىنگەن حابارلامادا.
اگەنتتىك جالعان بانكنوتتاردى انىقتاعان كەزدە دەرەۋ سەنىم تەلەفونىنا حابارلاۋعا شاقىرادى 77172708478 .
ايتا كەتەيىك، جالعان اقشانى انىقتاۋ قىلمىس ەمەس، ءبىراق مۇنداي بانكنوتتى وتكىزۋ ءۇشىن قىلمىستىق جاۋاپكەرشىلىك قاراستىرىلعان.