گرەپپلينگتەن الەم چەمپيونى اتانعان قازاقستاندىق جۇلدەسىن قايىرىمدىلىققا جۇمسادى
بوكستان الەم چەمپيوناتى: ماحمۋد سابىرحان برازيليالىق قارسىلاسىن ءسۇرىندىردى وسى ورايدا سپورتشى ۇتىسىنىڭ ءبىر بولىگىن قايىرىمدىلىققا جۇمسادى، دەپ حابارلايدى قازاقپارات ءتىلشىسى. سپورتشىنىڭ جاساعان قايىرىمدىلىق ءىسى تۋرالى الماتىداعى بالالار ءۇيىنىڭ تاربيەلەنۋشىلەرىنە سىيلىق بەرۋ بارىسىندا ايتىلدى. شاراعا سامات ايتپانبەت پەن ارميا گەنەرالى ساعادات نۇرماعامبەتوۆ اتىنداعى «Sagadat batyr - QTT» كلۋبىنىڭ جاتتىقتىرۋشىسى قاتىستى.
«الدىمەن العىسىمدى ءوزىمنىڭ جاتتىقتىرۋشىم نۇرسۇلتان ورىنباساروۆقا بىلدىرەمىن. مەنى ۇنەمى قولداپ، اقىل- كەڭەسىن ايتىپ جۇرەدى. وسى كىسىنىڭ ارقاسىندا مەن تاياۋدا ىستانبۇلدا وتكەن الەم چەمپيوناتىندا جەڭىمپاز اتاندىم. وندا ماعان 5 مىڭ ا ق ش دوللارى كولەمىندە سىياقى بەردى، سونىڭ جارتىسىن قۇرىلتايشىسى مەنىڭ جاتتىقتىرۋشىم بولىپ وتىرعان قايىرىمدىلىق قورىنا بەرگىم كەلەدى»، - دەدى گرەپپلينگتەن الەم چەمپيونى سامات ايتپانبەت.
سونداي- اق، سپورتشى اتالعان قايىرىمدىلىق قوردىڭ الەۋمەتتىك وسال توپقا جاتاتىن وتباسىلار مەن د س پ- عا (بالالاردىڭ سەلەبرالدى سال اۋرۋى) شالدىققان جانە جەتىم بالالارعا ۇلكەن قولداۋ كورسەتەتىنىن ايتىپ ءوتتى. سول سياقتى قور قىزمەتىنىڭ ارقاسىندا بالالار ءۇيىنىڭ تاربيەلەنۋشىلەرىنىڭ دجيۋ- دجيتسۋ جانە گرەپپلينگ سپورتىمەن تەگىن اينالىسۋ مۇمكىندىگى تۋعانىن جەتكىزدى.
ءوز كەزەگىندە سپورتشىنىڭ جاتتىقتىرۋشىسى نۇرسۇلتان ورىنباساروۆ شاكىرتىنە يگىلىكتى ءىسى ءۇشىن العىسىن ايتىپ، سپورتتا ۇنەمى جەڭىستىڭ شىڭىندا كورىنۋىنە تىلەكتەستىك تانىتتى.