اتالمىش جاعدايعا ەلوردانىڭ كولىك قىزمەتكەرلەرى قاۋىمداستىعىنداعى تۇسىنىكتەمە بەرىلدى.
«بۇگىندە تۇتىنۋشىلار تاكسي قىزمەتتەرىنىڭ % 80 - دان استامىن ياندەكس، DIDI ، يندرايۆەر سياقتى موبيلدى سەرۆيستەر ارقىلى پايدالانادى. ياعني، تاكسي قىزمەتىن تىركەۋسىز جۇزەگە اسىراتىن، جەكە اۆتوكولىك يەلەرىنەن الادى. جەكە اۆتوكولىك يەلەرى موبيلدى سەرۆيستەردىڭ وزدەرى بەلگىلەگەن ەرەجەلەر مەن تالاپتاردى ساقتايدى.
باعا موبيلدى قىزمەتتەر ورناتقان الگوريتمدەر ارقىلى جۇمىس ىستەيدى. دەمەك تاكسيگە تاپسىرىس بەرۋ باعاسى، ءبىر شاقىرىم جول مەن «مينۋتتىڭ قۇنى اعىمداعى سۇرانىسقا جانە تاپسىرىستى قابىلداۋعا دايىن جەلىدەگى اۆتوموبيلدەردىڭ بولۋىنا بايلانىستى كوەففيتسيەنتتەرگە كوبەيتىلەدى. جەكە اۆتوكولىك يەلەرىنىڭ كوبى اۋا رايىنا بايلانىستى تاكسي قىزمەتىن كورسەتۋگە دايىن بولماعان. سونىڭ سالدارىنان باعانى ارتتىراتىن كوەفيتسەنت ۇلكەيەدى»، - دەدى نۇر- سۇلتان قالاسى كولىك قىزمەتكەرلەرى قاۋىمداستىعىنىڭ ءتوراعاسى مەدەت قۇرمانوۆ.
ونىڭ ايتۋىنشا، ايازدا جانە قاربالاس كەزەڭدەردە كوبىنەسە وسىنداي جاعداي بولادى.
«ءيا، جەكە اۆتوكولىك يەلەرىن بەلگىلى ءبىر ۋاقىتتا جۇمىس ىستەۋگە مىندەتتەۋ جانە جوسپارلاۋ مۇمكىن ەمەس. سوندىقتان بۇل جەردە باعانى ءوسىرۋ ولاردىڭ ىنتاسىن ارتتىرۋ قۇرالى رەتىندە جۇمىس ىستەپ تۇر. الگوريتم سۇرانىستىڭ ارتۋى مەن شاعىن جەتكىزىلىمگە جاۋاپ بەرەدى. بۇل جاعداي تاكسي تاسىمالىن ۇيىمداستىرۋدا شەتەلدىك ويىنشىلارعا تاۋەلدى ەكەنىمىزدى كورسەتەدى»، - دەپ ساراپشى. مەدەت قۇرمانوۆ تاكسي تاريفىنىڭ شارىقتاۋىنا بايلانىستى قايدا شاعىمدانۋعا بولاتىنىن ايتتى.
«استانادا تاكسي تاسىمالىن ۇيىمداستىرۋمەن كولىك جانە جول- كولىك ينفراقۇرىلىمى باسقارماسى اينالىسادى. اتالعان مەملەكەتتىك ورگانعا بارلىق سۇراقتاردى I- Komek ارقىلى نەمەسە تىكەلەي قويۋعا بولادى. سونداي- اق شاعىمداردى ق ر باسەكەلەستىكتى قورعاۋ جانە دامىتۋ اگەنتتىگىنىڭ نۇر- سۇلتان قالاسى بويىنشا دەپارتامەنتىنە جىبەرۋگە بولادى. ال ءبىزدىڭ قاۋىمداستىق تەك اكىمدىكتە تاسىمالداۋشى رەتىندە تىركەلگەن ءوز مۇشەلەرىنىڭ اراسىندا جۇمىس جۇرگىزەدى. ءبىزدىڭ پاركتەر نەگىزىنەن نارىقتىڭ % 5- ىنان اسپايدى. نارىقتى دامىتۋ جانە سەرۆيستى ارتتىرۋ تۇرعىسىنان ءبىز بۇل جەردە ۇسىنىستارىمىزدى قالا اكىمدىگىنە جىبەرەمىز، ول ۇسىنىستار ءاردايىم ورىندالا بەرمەيدى» - دەپ تۇيىندەدى ول.
اۆتور: ەسىمجان ناقتىباي