قازان ايىندا ەلىمىزدە نە قىمباتتادى - ستاتيستيكا

ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ مالىمەتىنە سايكەس، باعانىڭ ءوسۋى جۇمىرتقاعا - 7,2 پايىز، جاڭا جينالعان كوكونىستەرگە - 5,5 پايىز، قۇمشەكەر مەن قۇس ەتىنە - 1,4 پايىز، كارتوپقا - 1,2 پايىز، نانعا - 0,7 پايىز، پاستەرلەنگەن سۇتكە - 0,6 پايىز، ايرانعا، شوشقا ەتىنە، قاراقۇمىق جارماسىنا - 0,5 پايىز، شۇجىق، ماكارون ونىمدەرىنە جانە ۇنعا 0,4 پايىز تىركەلدى.

ال جاڭا جينالعان جەمىستەر باعاسى كەرىسىنشە، 1,5 پايىز ارزانداعان. باعانىڭ قىمباتتاۋى، سونداي-اق اۆتوموبيلدەرگە - 3,4 پايىز، تۇرمىستىق تاۋارلارعا - 1,1 پايىز، كيىم جانە اياق كيىمگە، فارماتسيەۆتيكالىق ونىمدەرگە 0,4 پايىز بايقالدى.

جازعى ديزەل وتىنى - 16,6 پايىز، باللونداعى سۇيىتىلعان گاز - 6,4 پايىز، اعاش - 2,6 پايىز، تاس كومىر - 2 پايىز، بەنزين 0,9 پايىز قىمباتتادى. قوعامدىق تاماقتاندىرۋ جانە مونشا قىزمەتتەرىنىڭ قۇنى - 1 پايىز، دەنساۋلىق ساقتاۋ قىزمەتتەرى - 0,5 پايىز، شاشتارازدار مەن سۇلۋلىق سالوندارى قىزمەتتەرى 0,4 پايىز ارتقان. تۇرعىن ءۇيدى جالعا بەرۋ ءۇشىن تولەم 1,1 پايىز ءوستى. قالاارالىق اۆتوبۋسپەن جول ءجۇرۋ - 0,8 پايىز، تاكسيمەن جول ءجۇرۋ 0,6 پايىز قىمباتتادى. اۆيابيلەتتەر كەرىسىنشە، 2,4 پايىز ارزاندادى. تۇرعىن ءۇي-كوممۋنالدىق قىزمەتتەر سالاسىندا تاريفتەر ەلەكتر ەنەرگياسىنا - 1,1 پايىز، ىستىق سۋعا - 0,2 پايىز ءوستى، ال ورتالىقتان جىلىتۋ 0,4 پايىز تومەندەدى.