وندا سانيتارلىق- ەپيدەميولوگيالىق احۋالدى تۇراقتاندىرۋ، ءولىم-ءجىتىمدى ازايتۋ جانە ۆاكسينالانۋ قارقىنى ماسەلەلەرى قارالدى، دەپ حابارلايدى قازاقپارات ءتىلشىسى.
جيىن بارىسىندا الماتىدا ناۋقاستاردىڭ جاس قۇرامىن سالىستىرمالى تالداۋ كەزىندە ءبىر اپتا ىشىندە دەرت جۇقتىرعانداردىڭ %77 ى ۆاكسينا الماعان 20 جاستان اسقان ازاماتتار ەكەندىگى بەلگىلى بولدى. 14 جاسقا دەيىنگى بالالار اراسىندا جۇقتىرعاندار سانى %2,2 عا، 40-59 جاستاعى ادامدار اراسىندا %1,4 عا وسكەنى بايقالادى.
سىرقات تانۋشىلاردىڭ ينفەكسيانى ساۋدا وبەكتىلەرىندە - %28، قوعامدىق كولىكتەردە - %21,4، وتباسىلارداعى بايلانىستار - %22,3 جانە بازارلاردا - %8 جۇقتىرعان. ۇيدە ينفەكسيا جۇقتىرۋ %4,4 عا ءوستى.
دەرت تۋىستارمەن، كورشىلەرمەن جانە تانىستارمەن بايلانىس كەزىندە، سونداي- اق وتباسىلىق ءىس- شارالاردى مەرەكەلەۋ سانىنىڭ وسۋىنە وراي تارالۋدا. بەلگىلەنگەن كارانتيندىك شەكتەۋلەردىڭ ساقتالۋىن قامتاماسىز ەتۋ بويىنشا مونيتورينگتىك توپتاردىڭ جۇمىسى جالعاسۋدا. 25-31-قازان ارالىعىندا كاسىپكەرلىك نىساندارىندا 19 جانە قوعامدىق كولىكتەردە ماسكا رەجيمى ساقتالماعان 23 بۇزۋشىلىق انىقتالدى.
ايتا كەتەرلىگى، دۇيسەنبىدەن باستاپ الماتىدا «سارى» ايماقتىڭ تالاپتارى قولدانىلادى. Ashyq جوباسىنا قاتىسۋشىلاردىڭ جۇمىس ۇزاقتىعى 1 ساعاتقا، جوبا جەتەكشىلەرىنىڭ جۇمىس ۋاقىتى تۇنگى ساعات 3-كە دەيىن ۇزارتىلدى. بارلىق نىساندار باس مەملەكەتتىك سانيتارلىق دارىگەردىڭ قاۋلىسىنا سايكەس «سارى» ايماق رەجيمى بويىنشا جۇمىس ىستەيدى.
سونىمەن قاتار، وتكەن اپتادا Ashyq جوباسى بويىنشا وقشاۋلاۋ رەجيمىن بۇزعان 100 قالا تۇرعىنىندا «قىزىل» مارتەبە انىقتالدى. كوبىنەسە بۇزۋشىلىقتار سوو- دا، دۇكەندەردە جانە تاماقتانۋ وبەكتىلەرىندە ورىن الۋدا. بۇگىنگى كۇنى ينفەكسيالىق ستاتسيونارلاردا 1039 ادام، ونىڭ ىشىندە 35 بالا بار. رەانيماتسيا جانە قارقىندى تەراپيا بولىمشەلەرىندە 93 پاتسيەنت ەمدەلۋدە.
موبيلدى مەديتسينالىق بريگادالار مەن تەلەمەديتسينا ورتالىعىنىڭ باقىلاۋىنا 2124 پاتسيەنت الىنعان. كەڭەس بارىسىندا Biontech جانە Pfizer بىرلەسىپ ازىرلەگەن «كوميرناتي» پرەپاراتىمەن ۆاكسينالاۋعا دايىندىق ماسەلەلەرى قارالدى.
پرەپاراتتىڭ جەتكىزىلۋى وسى ايعا جوسپارلانعان. الماتى اكىمدىگى قالا تۇرعىندارىنان دەنساۋلىقتارىن ساقتاۋ ءۇشىن ۆاكسينا الۋعا شاقىرادى. قالادا كۇن سايىن 137 ۆاكسينالاۋ پۋنكتى جۇمىس ىستەيدى. سونىمەن بىرگە، احۋالدىڭ تۇراقتانۋى مەن وپتيميستىك بولجام بويىنشا دامۋعا قاراماستان، ەپيدەميولوگتار ىقتيمال ناشارلاۋ تۋرالى ەسكەرتەدى. بۇعان ەۋروپا مەن رەسەيدەگى ەپيدەميولوگيالىق احۋالدىڭ ءورشي ءتۇسۋى، ۆاكسينالانۋ قارقىنىنىڭ تومەندەۋى ىقپال ەتۋى مۇمكىن. ك ۆ ي- گە قارسى ۆاكسيانى ەكپە سالۋعا جاتاتىن قالا تۇرعىندارىنىڭ جالپى سانىنىڭ كەمىندە %80 ى الۋى ءتيىس.
اۆتور: دۋمان ارعىنگەلدى