تىڭ ءونىم شىنىمەن دە جاراتىلىسقا اسەر ەتە مە؟ كۇندەلىكتى كۇيزەلىس، زياندى ادەتتەر مەن اۋانىڭ لاستانۋى - وسىنىڭ ءبارى اعزادا بوس راديكالداردىڭ پايدا بولۋىنا اكەلەدى. ال بوس راديكالدار ساۋ جاسۋشالارعا شابۋىل جاسايدى. عالىمداردىڭ ايتۋىنشا، قارتايۋدىڭ نەگىزگى سەبەبى وسى. الايدا بۇل ءۇردىستى تەجەيتىن تابيعي ءونىم تابىلدى. ول وسىمدىكتەردە كوپ كەزدەسەتىن - پوليفەنول.
الەكساندر گۋليايەۆ، ءومىر تۋرالى عىلىم ورتالىعىنىڭ جەتەكشى عىلىمي قىزمەتكەرى:
- «جەرورتا تەڭىزى قۇبىلىسى» دەپ اتالاتىن زەرتتەۋ ناتيجەلەرى جاريالانعان كەزدە بۇكىل الەم پوليفەنولمەن، سونىڭ ىشىندە جۇزىممەن اينالىسا باستادى. ويتكەنى سول كەزدە پوليفەنولداردى كوپ تۇتىناتىن ادامداردا ينفاركت پەن ينسۋلت سانى كۇرت تومەندەگەنى انىقتالدى.
قازاقستاندىق عالىمدار پوليفەنولداردى جانە ولاردىڭ اعزاعا اسەرىن 10 جىل بويى زەرتتەدى. ناتيجەسىندە، كەيبىر اۋرۋلاردىڭ الدىن الاتىن بىرەگەي وتاندىق ءونىمدى جاساپ شىعاردى. اتاپ ايتساق، سۇيەكتىڭ سىنعىشتىعى، سالماق جيناۋ مەن جوعارى قان قىسىمىمەن كۇرەستە پوليفەنول ءتيىمدى ەكەنى انىقتالدى. عالىمدار ءجۇزىمنىڭ قۇرامىنداعى پوليفەنولدار تابيعي وزگەرىستەردى تەجەيدى دەگەن تۇجىرىمعا كەلدى.
الەكساندر گۋليايەۆ، ءومىر تۋرالى عىلىمدار ورتالىعىنىڭ جەتەكشى عىلىمي قىزمەتكەرى:
- ءبىز ءجۇزىمنىڭ ءارتۇرلى سورتتارىن سىناپ كوردىك. سوسىن بىزگە قاجەت پوليفەنولداردىڭ مولشەرى بار ەكى سورت تاڭدالدى. بۇل وتاندىق سەلەكتسيانىڭ ساپەراۆي جانە كابەرنە- سوۆينون سورتتارى. ولار - ەلىمىزدىڭ وڭتۇستىگىندەگى كوپجىلدىق قازاقستاندىق سەلەكتسيا. زەرتتەۋشىلەردىڭ ايتۋىنشا، جۇزىمنەن جاسالعان ءونىم ۇلكەن، كىشى بولسىن بارىنە كەلەدى. تەك اللەرگياسى بار، جەدەل رەسپيراتورلىق اۋرۋلارى بار، اياعى اۋىر جانە بالا ەمىزەتىن ايەلدەرگە عانا شەكتەۋ بار.
2018 -جىلى پرەپاراتتى وندىرۋشىلەر عىلىم قورىنان گرانت ۇتىپ العان. ال ءۇش جىلدان كەيىن جەزقازعاندا ادام جاسىن ۇزارتاتىن ء«جۇزىم ەليكسيرى» جاسالا باستادى.
ارىن ورساريەۆ، «عىلىم قورى» ا ق باسقارما ءتوراعاسى:
- اقپان ايىنىڭ سوڭىندا وسى گرانتتى قارجىلاندىرۋدى تولىق اياقتايمىز. ءبىز نەگىزگى باعىتتاردىڭ ءبارىن قامتىدىق. مىسالى، زاۋىت اشىلدى، ءوندىرىس جۇمىس ىستەيدى، العاشقى ساتىلىمدار باستالدى. تيىسىنشە، جوبا ءساتتى شىقتى دەۋگە بولادى. عالىمدار «جۇزىمنەن جاسالعان» ءونىم ءدارى ەمەس، تەك ەمدەۋ كەزىندەگى كومەكشى قۇرال دەپ ەسكەرتەدى.
ءبىراق كوپ ۇزاماي ول مەديتسينالىق ورتالىقتارعا دا جەتكىزىلەدى. ال بولاشاقتا پوليفەنولداردى كوسمەتولوگياعا ەنگىزۋ جوسپارلاپ وتىر. وتاندىق عالىمداردىڭ جوباسىنا رەسەي مەن قىرعىزستان تاراپىنان قىزىعۋشىلىق بار.
اۆتورلارى: عازيزا مۇحامەدجانوۆا، ايگەريم بابيش، ارتۋر گورشنياكوۆ
www.24.kz