«وكىنىشكە قاراي، ماسكەۋدەگى جاعداي كۇردەلى بولىپ قالىپ وتىر. سوڭعى اپتانىڭ ىشىندە اۋىر حالدە بولعان 10 مىڭعا جۋىق ادام اۋرۋحاناعا جاتقىزىلدى. اۋرۋعا شالدىعۋ قارقىنى ءبىرشاما باسەڭدەگەنىمەن، جاعداي ءالى دە كۇردەلى»، - دەپ اتاپ ءوتتى س. سوبيانين «مىۆمەستە» قالالىق ەرىكتىلەر اكسياسىنىڭ شتابىنا بارۋ بارىسىندا.
رەسەيدە جۇمىس ىستەمەيتىن كۇندەر رەجيمىنىڭ ەنگىزىلۋىنە بايلانىستى تۇرعىنداردىڭ قوزعالىسى شەكتەۋلى توبى مەن ەگدە جاستاعى قالا تۇرعىندارىنا كومەك كورسەتۋدىڭ جالپى رەسەيلىك اكسياسى باستالدى.
«ءۇش ميلليونعا جۋىق ەگدە جاستاعى ازاماتىمىز وقشاۋلاۋدا وتىر. ولارعا ءارى الەۋمەتتىك، ءارى پسيحولوگيالىق كومەك قاجەت ەكەنى بەلگىلى. مەملەكەتتىك قىزمەت ورىندارىنان بولەك، بۇل باعىتتا قوعامدىق ۇيىمدار مەن بۇل جاعدايعا نەمقۇرايلى قارامايتىن بارلىق ادامدار دا جۇمىس ىستەگەنى وتە ماڭىزدى»، - دەدى ماسكەۋ مەرى.
كوروناۆيرۋسپەن كۇرەس جۇرگىزۋ بويىنشا جەدەل شتاب مالىمەتىنشە، سوڭعى تاۋلىكتە رەسەيدە كوروناۆيرۋسقا شالدىعۋدىڭ 40402 وقيعاسى تىركەلدى. قاۋىپتى ۆيرۋستان 1155 ادام قايتىس بولىپ، 23187 پاتسيەنت جازىلىپ شىققان.