پاۆلودارداعى جول اپاتى: جاياۋ جۇرگىنشىگە كىرپىش قورشاۋ قۇلادى

قالادا ەكى جەڭىل كولىك سوقتىعىسىپ، بىرەۋى جەر ءۇيدىڭ قورشاۋىن بۇزىپ وتكەن.

«ساعات 08:40-تا پاۆلودار قالاسىندا «ۆاز-2110» ماركالى اۆتوكولىكتىڭ 21 جاستاعى جۇرگىزۋشىسى گوركي كوشەسىنىڭ بويىندا كەلە جاتىپ، اباي-گوركي كوشەلەرىنىڭ قيىلىسىندا «جول بەر» دەگەن جول بەلگىسىنىڭ تالاپتارىن ورىنداماستان، «Honda» كولىگىمەن سوقتىعىسقان. سوققىدان «ۆاز» جەكە ءۇيدىڭ قورشاۋىنا سوعىلىپ، ول ءوتىپ بارا جاتقان جولاۋشىعا قۇلاعان»، - دەدى پاۆلودار وبلىسى پوليتسيا دەپارتامەنتىنەن.

قۇقىق قورعاۋ ورگاندارىنىڭ مالىمەتىنشە، جول-كولىك وقيعاسىنان ءوتىپ بارا جاتقان ادام جاراقات الىپ، اۋرۋحاناعا جەتكىزىلگەن.

«Honda» اۆتوكولىگىنىڭ ەكى جولاۋشىسى، اتاپ ايتقاندا، جۇرگىزۋشىنىڭ ايەلى مەن قىزى مەديتسينالىق كومەككە جۇگىندى.

«ۆاز-2110» اۆتوكولىگى ايىپ تۇراعىنا ورنالاستىرىلدى. تەكسەرۋ جۇرگىزىلىپ، ساراپتاما تاعايىندالدى»، - دەپ اتاپ ءوتتى ۆەدومستۆودان.