كومىرگە تالاس: جۇك تيەگىشكە ءمىنىپ العان ايەلدىڭ ۆيدەوسىنا اكىمدىك جاۋاپ بەردى - ۆيدەو
بۇعان دەيىن كەربۇلاق اۋدانى سارىوزەك اۋىلىنىڭ تۇرعىنى كومىرگە كەلىپ، جۇك تيەگىشتىڭ كوتەرگىشىنە ءمىنىپ العان ايەلدىڭ ۆيدەوسى جەلىگە تاراعان بولاتىن.
ول كومىردى جۇك كولىگىنىڭ بورتىنا توگۋ كەزىندە دە تيەگىشتەن تۇسپەگەن. Instagram-عا جاريالانعان جازبادا: «بۇل اقىلعا قونىمسىز. كومىردىڭ دۇرىس بولىنبەۋى سالدارىنان ادامدار سوڭعى قادامعا بارۋعا ءماجبۇر»، - دەلىنگەن.
كەربۇلاق اۋدانىنىڭ اكىمدىگى بۇل جاعدايعا قاتىستى تۇسىنىك بەردى.
«حالىقتان دۇرلىكپەۋدى سۇرايمىز. ءيا، جەلىدە ايەلدىڭ جۇك تيەگىش كولىكتىڭ كوتەرگىشىنە ءمىنىپ العان ۆيدەوسى تارادى. مۇنىڭ ءبارى ارانداتۋشىلىق بولدى. بۇگىنگى تاڭدا كەربۇلاق اۋدانىنىڭ تۇرعىندارىنا كومىر ساتۋدى 2 تۇيىق جۇزەگە اسىرادى: ج ك «سانچەز» (شۇباركول)، ج ش س «ساۋداكومىر» (قاراجىرا). قازان ايىندا سارىوزەك بەكەتىنە 42 ۆاگون جەتكىزىلدى. بۇگىندە سارىوزەك ستانسياسىندا 10 ۆاگون بار. بارلىعى كەزەكتى ساقتاۋ ارقىلى جۇزەگە اسىرىلۋدا»، - دەدى كەربۇلاق اۋدانىنىڭ اكىمى عالياسقار سارىبايەۆ.
ايتا كەتەيىك، كەربۇلاق اۋدانىنىڭ تۇرعىندارىنا جىلۋ بەرۋ ماۋسىمىنا كومىر قاجەتتىلىگى 74 مىڭ توننانى قۇرايدى. ونىڭ ىشىندە 52,8 مىڭ تونناسى نەمەسە q ساتىلدى.
مالىمەتكە سۇيەنسەك، الماتى وبلىسىندا تاۋلىگىنە ورتاشا ەسەپپەن 90 ۆاگون كومىر تۇسەدى. بۇگىنگى تاڭدا 926,3 مىڭ توننا، ياعني h قاتتى وتىن ساتىلدى، قويمالاردا جازعى كەزەڭنەن قالعان قالدىق 13,3 مىڭ توننانى قۇرايدى. وڭىردە 77 كومىر تۇيىعى مەن قويماسى بار، ونىڭ ىشىندە 50 تۇيىق، 27 قويما جانە رايىمبەك اۋدانىندا «ويقاراعاي» كومىر رازرەزى بار. وبلىس بويىنشا كومىردىڭ ورتاشا باعاسى 14-14,5 مىڭ تەڭگەنى قۇرايدى.
تەمىرجول قاتىناسى جوق وڭىرلەردە كومىر جاقىن ماڭداعى تۇيىقتاردان اۆتوكولىكتەرمەن جەتكىزىلەدى، بۇل جەتكىزىلەتىن كومىردىڭ باعاسىنا دا اسەر ەتەدى. مۇنداي وڭىرلەردە جەتكىزۋ قىزمەتىن ەسەپكە الماعاندا باعا 19-20 مىڭ تەڭگەگە دەيىن بارادى. اۋداندار مەن قالالاردىڭ اكىمدىكتەرى جاز مەزگىلىندە تۇراقتى نەگىزدە قاتتى وتىندى الدىن الا ساتىپ الۋ قاجەتتىلىگى تۋرالى ءتۇسىندىرۋ جۇمىستارىن جۇرگىزدى.
اۆتور: سامال قابىشەۆا