كەش بەلگىلى سازگەر، كومپوزيتور تۇرسىنعازى راحيموۆتىڭ 70 جىلدىعىنا ارنالدى، دەپ حابارلايدى قازاقپارات ءتىلشىسى.
كەشكە قازاقتىڭ ءداستۇرلى انشىلەرى مەن ونەر مايتالماندارى جينالدى. ولار مۇزبالاق اقىن مۇقاعالي ماقاتايەۆ پەن ءانشى، سازگەر تۇرسىنعازى راحيموۆتىڭ ولەڭدەرى مەن اندەرىن ورىندادى.
ەسكە الۋ كونسەرتىن قالالىق مادەنيەت باسقارماسى جانە سەمەي قالاسىنىڭ اكىمدىگى ۇيىمداستىردى. ايتا كەتەيىك، بيىل 90 جىلدىعى اتالىپ جاتقان مۇقاعالي شىعارماشىلىعىن كەڭ دارىپتەگەن كومپوزيتور تۇرسىنعازى راحيموۆ اقيىق اقىننىڭ 35 ولەڭىنە ءان شىعارعان. ەلدىڭ جۇرەگىنەن ورىن العان ءانشى-كومپوزيتور ارتىنان 100 گە تارتا ءان-مۇرا قالدىردى.
اۆتور: دۋمان ارعىنگەلدى