دەنەسىن بولشەكتەپ تاستاعان: اياجان ەدىلوۆانىڭ ولىمىنە قاتىستى سوت وتىرىسى بەلگىلەندى
سوتتالۋشى ءىستىڭ القابيلەردىڭ قاتىسۋىمەن قارالۋ قۇقىعىنان باس تارتتى، دەپ حابارلايدى قازاقپارات الماتى قالالىق سوتىنىڭ باسپا ءسوز قىزمەتىنە سىلتەمە جاساپ.
«بۇل ءىس بويىنشا الدىن الا تىڭداۋ اياقتالدى. باستى سوت تالقىلاۋى 9- قاراشاعا بەلگىلەنگەن. پروتسەسس جابىق رەجيمدە وتەدى. الدىن الا تىڭداۋدا سوتتالۋشى ءىستىڭ القابيلەردىڭ قاتىسۋىمەن قارالۋ قۇقىعىنان باس تارتتى. زاڭ تالابىنا سايكەس ءىستى سۋديا جەكە دارا قارايتىن بولادى»، - دەپ حابارلادى الماتى قالالىق سوتىنىڭ باسپا ءسوز قىزمەتىنەن.
ەسكە سالساق، 19- ناۋرىزدا الماتىدا 19 جاستاعى بويجەتكەن جۇمىستان شىعىپ، ۇيىنە ورالماعان بولاتىن.
كەيىن اياجان ەدىلوۆانىڭ دەنەسى تابىلدى. ىزدەۋ جۇمىسى كەزىندە قىزدىڭ سول كۇنى الەۋمەتتىك جەلىدە تانىسقان جىگىتپەن كەزدەسۋدى جوسپارلاعانى انىقتالدى.
كەيىن بەلگىلى بولعانداي، بويجەتكەن سول بەيتانىس جىگىتتىڭ قىلمىستىق ارەكەتىنەن قازا تاپقان.
1993-جىلى تۋعان تۇركىستان وبلىسىنىڭ تۇرعىنى قىزدى ولتىرگەننەن كەيىن دەنەسىن بولشەكتەپ تاستاعان.
ال 20- قازاندا اياجان ەدىلوۆانى زورلاۋ جانە ءولتىرۋ ءىسى الماتى قالالىق سوتىنا ءتۇستى.