الماتى اۋەجايىندا ۇشاقتارعا جانارماي قۇيۋ شەكتەلدى
16:38, 28 - قازان 2021
الماتى. قازاقپارات - الماتى حالىقارالىق اۋەجايى اۆياتسيالىق جانار- جاعارماي تاپشىلىعىنا بايلانىستى مالىمدەمە جاسادى، دەپ حابارلايدى قازاقپارات ءتىلشىسى.
«الماتى حالىقارالىق اۋەجايىنىڭ ۇزدىكسىز جۇمىسىن قامتاماسىز ەتۋ ماقساتىندا تۇراقتى جولاۋشىلار رەيسىنە جانارماي قۇيۋ كولەمىن شەكتەۋ جانە بىررەتتىك چارتەرلىك رەيستەرگە جانارماي قۇيۋدى توقتاتۋ تۋرالى شەشىم قابىلداندى. بۇل شارالار قازاقستانداعى اۆياتسيالىق جانارماي تاپشىلىعىنا بايلانىستى قابىلداندى»، - دەدى الماتى حالىقارالىق اۋەجايى باسپا ءسوز قىزمەتىنىڭ جەتەكشىسى نايليا جاباگينا.