تاجىكستان ەلشىسى شەكارادا كوز جۇمعان قازاقستاندىق ساربازدىڭ اناسىنا وردەن تاپسىردى

بۇل جايىندا ۇلتتىق قاۋىپسىزدىك كوميتەتىنىڭ شەكارا قىزمەتى مالىمەت تاراتتى.

بۇگىن تاجىكستان رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى يبودزودا حايرۋللو ەرلىكپەن قازا تاپقان شەكاراشى رادجان باتىرقانوۆتىڭ اناسى - قيزات جىلقىباق قىزى باتىرقانوۆاعا 1-دارەجەلى «سپيتامەن» وردەنىن تابىس ەتتى.

ەسكە سالا كەتەيىك، بۇعان دەيىن تاجىكستان رەسپۋبليكاسىنىڭ پرەزيدەنتى ەمومالي راحمون قازاقستاندىق شەكاراشىنى ناگرادتاعان بولاتىن. تاجىكستان رەسپۋبليكاسى پرەزيدەنتىنىڭ 2021-جىلعى 30- قىركۇيەكتەگى 252№ جارلىعىمەن رەسپۋبليكا تاۋەلسىزدىگىنىڭ 30 جىلدىعىنا جانە قىزمەتتىك بورىشىن ورىنداۋ كەزىندە تانىتقان ەرلىگى مەن جانقيارلىعى ءۇشىن كىشى سەرجانت رادجان ارميا ۇلى باتىرقانوۆ 1-دارەجەلى «سپيتامەن» وردەنىمەن ناگرادتالدى (قايتىس بولعاننان كەيىن).

تاجىكستان حالقى 1993-2001-جىلدار ارالىعىندا تاجىك-اۋعان شەكاراسىندا اسكەري بورىشىن وتەگەن جەكە قۇراما اتقىشتار باتالونىنىڭ اسكەري قىزمەتشىلەرى كورسەتكەن ەرلىگىن ەسكە الىپ، قۇرمەت تۇتادى.

ايتا كەتەيىك، رادجان ارميا ۇلى (1975-1994) - جاۋىنگەر-ينتەرناتسيوناليست، باتىر شەكاراشى. جەكە قازاقستاندىق قۇراما باتالونى كۇرشىم ۆزۆودىنىڭ قۇرامىندا قىزمەت اتقارعان.