ساراپشى جانىبەك ءالىمحان ۇلىنىڭ بۇرىنعى چەمپيونمەن جەكپە-جەگى نوكاۋتپەن اياقتالاتىنىن بولجادى

نۇر-سۇلتان. قازاقپارات - فرانسيالىق حاسسان ن'دام ن'جيكام (38-5-0، 21 KO) قازاقستاندىق بوكسشى جانىبەك ءالىمحان ۇلىنا (10-0، 6 ك و) قاۋىپتى قارسىلاس ەمەس.

Vesti.kz تىلشىسىنە بەرگەن سۇحباتىندا ESPN ارناسىنىڭ لاتىنامەريكالىق رەداكسياسىنىڭ جۋرناليستى فەرناندو باربوزا وسىنداي پىكىر ءبىلدىردى.

«حاسان بابىنان تايىپ بارادى. ۇزاق ۋاقىت جاقسى جۇدىرىقتاستى. چەمپيوندىق بەلبەۋدى ۇستاپ تۇرا الدى. الايدا ۇلكەن جۇلدىزعا اينالۋعا داعدىسى جەتپەدى. قازىر ونىڭ كارەراسى ىلديلاپ كەلەدى. ول ءوزىن ارالاس جەكپە-جەكتە سىناپ كورمەك بولدى، ءبىراق، پاندەميا جوسپارىن بۇزدى. ەكى جىلدا ول رينگكە ءبىر-اق رەت شىقتى، سوندىقتان، جانىبەككە قاۋىپتى بولا قويماس.

بۇل جەكپە-جەك نەمەن اياقتالارى بەلگىلى. قازاقستاندىق پروسپەكت وزىنىكىن الادى، ءتىپتى قارسىلاسىن نوكاۋتقا تۇسىرەتىنگە ۇقسايدى»، - دەيدى باربوزا.

ەسكە سالايىق، بۇل ايقاس 5- قاراشا لاس-ۆەگاستا وتەدى.