بۋرابايدا سىلەۋسىن العاش رەت فوتوتۇزاققا ءتۇسىپ قالدى
11:22, 15 - قازان 2021
كوكشەتاۋ. قازاقپارات - «بۋراباي» مەملەكەتتىك ۇلتتىق تابيعي ساياباعىندا سىلەۋسىن فوتوتۇزاققا ءتۇسىپ قالدى.
بۇل تۋرالى پاركتىڭ جەلىدەگى پاراقشاسىندا اقپارات جاريالاندى، دەپ حابارلايدى قازاقپارات. جازبادا ايتىلعانداي، وڭىردە سىلەۋسىننىڭ فوتوتۇزاققا ءتۇسىپ قالۋى العاش رەت تىركەلىپ وتىر.
بۇل اڭ وتە ساق، سوندىقتان ونى جاسىرىن كامەرامەن سۋرەتكە ءتۇسىرۋ وتە قيىن.
«سىلەۋسىن- مىسىقتار وتريادىنا جاتانىن ەڭ سىمباتتى اڭ، ول ەشقاشان ادامعا ءبىرىنشى بولىپ شابۋىل جاسامايدى. سىلەۋسىن جۇرگەندە نەمەسە سەكىرىپ قارعىعاندا ارتقى اياقتارى الدىڭعى اياقتارىنىڭ ءىزىن باسادى» - دەپ جازىلعان.
جاريالانعان اقپاراتقا سايكەس، سىلەۋسىن كۇنىنە 30 شاقىرىمعا دەيىن ورمان كەزەدى. سىلەۋسىندەر تۇلكىلەردى جاقتىرمايدى جانە ءوزىنىڭ اۋماعىندا ولارعا اڭ اۋلاۋعا جول بەرمەيدى.