ە ا ە و- نىڭ ءۇشىنشى ەلدەرمەن ىنتىماقتاستىعى ماڭىزدى بولا تۇسۋدە - پرەزيدەنت
بۇل تۋرالى ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«پاندەميا سالدارىنىڭ بىرتىندەپ تۇزەلۋىن ەسكەرە وتىرىپ، ءۇشىنشى ەلدەرمەن جانە وداقتارمەن ىنتىماقتاستىق بارىنشا ماڭىزدى بولىپ كەلەدى. دەگەنمەن، يزرايل، مىسىر، ۇندىستانمەن ەركىن ساۋدا-ساتتىق تۋرالى كەلىسىم جاساسۋ جونىندەگى كەلىسسوزدەر شامامەن 5-6 جىل بويى جالعاسىپ كەلەدى. ال موڭعوليا مەن يندونەزيا نارىقتارى 2 جىلدان استام ۋاقىت بويى زەردەلەنۋدە»، - دەدى قاسىم-جومارت توقايەۆ جوعارى ەۋرازيالىق ەكونوميكالىق كەڭەس وتىرىسىندا.
وسى رەتتە ق ر پرەزيدەنتى كوميسسيا كەلىسسوزدەر پروتسەسىن جەدەلدەتىپ، وزگە ەلدەرمەن ساۋدا-ساتتىق ىتىماقتاستىعى بويىنشا ۇسىنىمدار ازىرلەي الاتىندىعىن اتاپ ءوتتى.
«بۇل جۇمىستىڭ كەيبىر باياۋلاۋى پاندەميامەن بايلانىستى بولعانى تۇسىنىكتى. ءبىراق، وسىناۋ كۇردەلى جاعدايدان بىرتىندەپ شىعا وتىرىپ، كەلىسسوزدەر پروتسەسىن جەدەلدەتۋگە بولار ەدى»، - دەدى مەملەكەت باسشىسى.