قازاقستان كومىرتەگى بەيتاراپتىلىعىنا قول جەتكىزۋ دوكتريناسىن تانىستىردى
«قۇرمەتتى، قاسىم-جومارت كەمەل ۇلى، كومىرتەگى بەيتاراپتىعىنا قول جەتكىزۋ بويىنشا ءسىز مالىمدەگەن باعداردى جالعاستىرۋ ءۇشىن قازاقستان رەسپۋبليكاسىنىڭ 2060-جىلعا دەيىنگى كومىرتەگى بەيتاراپتىلىعىنا قول جەتكىزۋ دوكتريناسىنىڭ جوباسىن تانىستىرۋعا رۇقسات ەتىڭىز»، - دەپ جۇگىندى مينيستر ق ر پرەزيدەنتى قاسىم-جومارت توقايەۆقا «پاريج كەلىسىمىنىڭ ماقساتتارىنا قول جەتكىزۋ جولدارى جانە قازاقستاننىڭ كومىرتەگى بەيتاراپتىلىعى» حالىقارالىق كونفەرەنتسياسى بارىسىندا.
ونىڭ اتاپ وتۋىنشە، دوكترينا ەڭ ۇزدىك الدىڭعى قاتارلى TIMES، CGE جانە System Dynamics سىندى مودەلدەردىڭ كومەگىمەن شىنايى ەكونوميكانى مودەلدەۋ نەگىزىندە ازىرلەنگەن.
«بۇل بارىنشا از ينۆەستيتسيالىق شىعىندار جانە مۇمكىندىگىنشە مول ەكونوميكالىق پايدا الۋ تۇرعىسىندا قازاقستان ەكونوميكاسىن كومىرتەكسىزدەندىرۋدىڭ ەڭ وڭتايلى جولىن ايقىنداۋعا مۇمكىندىك بەردى»، - دەدى سەرىكقالي برەكەشيەۆ.