ەلىمىزدە قايتا ۆاكسينالاۋ ءتاسىلى ازىرلەندى

«دەنساۋلىق ساقتاۋ مينيسترلىگى حالىقتى يممۋنداۋ جونىندەگى كونسۋلتاتيۆتىك كوميسسيامەن بىرلەسىپ ازاماتتاردى كوروناۆيرۋستىق ينفەكسياعا قارسى ريەۆاكسيناتسيا ءتاسىلىن ازىرلەدى. اتالعان ماسەلە ەلىمىزدە كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسىنا قارالدى»، - دەپ جازدى ا. سوي ءوزىنىڭ Facebook پاراقشاسىندا.

ءمينيستردىڭ ايتۋىنشا، ىندەتكە قارسى ۆاكسينانى تولىق العان ادام اراعا 6-9 اي ۋاقىت سالىپ قايتا ەكپە الۋعا بولادى. سونىمەن قاتار، ا. سوي ريەۆاكسيناتسيا كەزىندە ەسكەرىلۋى ءتيىس جايتتاردى العا تارتتى.

- ۆەكتورلىق (سپۋتنيك) ۆاكسينا العان جاندار 9 ايدان كەيىن يناكتيۆاتسيالانعان (Sinopharm, CoronaVac, Hayat-Vax, QazCovid-in) نەمەسە м-РНҚ ۆاكسيناسىمەن (Pfizer) ريەۆاكسيناتسيالانادى؛

- يناكتيۆاتسيالانعان (Sinopharm, CoronaVac, Hayat-Vax, QazCovid-in) ۆاكسينا العان جاندار ۆەكتورلىق (سپۋتنيك) نەمەسە м-РНҚ ۆاكسيناسىمەن (Pfizer) 6 ايدان كەيىن ريەۆاكسيناتسيالانادى؛

-м-РНҚ ۆاكسيناسىمەن (Pfizer) ەكپە العان جاندار (Pfizer) 6 ايدان كەيىن بەلسەندىلىگى جويىلعان (Sinopharm, CoronaVac, Hayat-Vax, QazCovid-in) نەمەسە ۆەكتورلىق (سپۋتنيك) ۆاكسينامەن ريەۆاكسيناتسيالانادى؛

- تولىق ۆاكسينا العاننان كەيىن ك ۆ ي- گە شالدىعىپ ساۋىققاننان كەيىن 3 ايدان سوڭ قايتا ۆاكسينا الۋىنا بولادى. بۇعان دەيىن حابارلاعانىمىزداي، قاراشانىڭ سوڭىندا ەل اۋماعىندا ريەۆاكسيناتسيالاۋ باستالادى.