عيمارات پەن تريبۋنا تولىق قيراتىلىپ، ورنىنا جاڭا كەشەن سالىنادى. بۇل اقپاراتتى قالالىق اكىمدىكتىڭ باسپا ءسوز قىزمەتى راستادى.
بيىل ستاديوننىڭ سالىنعانىنا 85 جىل. سپورت كەشەنى 1936 -جىلى اشىلعان. بۇعان دەيىن اتاۋى سەگىز رەت اۋىسىپ، 1986 -جىلى مۇڭايتپاسوۆ ەسىمى بەرىلگەن. ستاديونعا 12250 كورەرمەن سيادى.
نۇر-سۇلتاننىڭ اكىمدىك وكىلدەرىنىڭ مالىمەتىنشە، 2020 -جىلى ماۋسىمدا ستاديون اپاتتىق جاعدايدا دەپ تانىلعان.
«مۇڭايتپاسوۆ اتىنداعى ورتالىق ستاديون اپاتتى دەپ تانىلعاندىقتان، بۇگىندە جوبالاۋ- ىزدەستىرۋ جۇمىستارى جۇرگىزىلىپ جاتىر. سپورت كەشەنى ەسكيزدىك جوبانى ازىرلەۋ ساتىسىندا»، - دەدى اكىمدىك باسپا ءسوز قىزمەتىنىڭ وكىلدەرى.
اكىمدىك وكىلدەرى بۇل جاي جوندەۋ جۇمىسى نەمەسە رەكونسترۋكسيا ەمەس ەكەنىن ايتادى. عيمارات پەن تريبۋنا تولىعىمەن بۇزىلىپ، ورنىنا جاڭا ستاديون سالىنادى.