نۇر- سۇلتاندا كوروناۆيرۋس جۇقتىرعان وقۋشىلار سانى ارتتى

نۇر- سۇلتان. قازاقپارات - ەلوردادا كوروناۆيرۋس جۇقتىرعان وقۋشىلاردىڭ سانى ارتتى. بۇل تۋرالى نۇر- سۇلتاننىڭ باس مەملەكەتتىك سانيتارلىق دارىگەرى سارحات بەيسەنوۆا ايتتى، دەپ حابارلايدى قازاقپارات ءتىلشىسى.

«ەلوردا ءالى دە «قىزىل» ايماقتا تۇر. كۇن سايىن ورتا ەسەپپەن 200-280 جاڭا ينفەكسيالىق جاعداي تىركەلەدى. قىركۇيەك ايىندا تامىز ايىمەن سالىستىرعاندا سىرقاتتانۋشىلىق كورسەتكىشى 3,5 ەسە تومەندەگەنى بايقالدى. سونداي- اق، وسى اپتادا وتكەن جىلعى كەزەڭمەن سالىستىرعاندا ناۋقاستار سانى 8 پايىزعا ارتقانى بايقالادى» ، - دەدى س. بەيسەنوۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سىرقات قۇرىلىمى بويىنشا، جۇقتىرعاندار اراسىندا ەرەسەكتەر سانى% 79,7 قۇرايدى. ونىڭ % 20,3- ى 30-39 جاس ارالىعىندا بولسا،% 27,8 - 40-59 جاستا، % 20,1 - 18-29 جاستا، ال % 11,5 - 60 جاستان اسقاندار.

«قىركۇيەكتە كوروناۆيرۋس جۇقتىرعان بالالاردىڭ ۇلەسى 16-دان % 24,3- عا دەيىن، جاسوسپىرىمدەر - 2,5-تەن % 5,4- عا دەيىن ءوستى. ال ناۋقاس وقۋشىلاردىڭ ۇلەسى 2,3-تەن 20 پايىزعا دەيىن ارتقان. وقۋ جىلىنىڭ باسىنان بەرى كوروناۆيرۋس جۇقتىرعان وقۋشىلار سانى 2 232 بولعان، بۇل اۋرۋ جۇقتىرعان جالپى حالىقتىڭ % 19,6جانە وقۋشىلاردىڭ 1 پايىزىن قۇرايدى. ولاردىڭ 642- ءسى نەمەسە % 29- ى مەكتەپكە بارماي تۇرىپ اۋىرىپ قالعان، وسىلايشا وقۋشىلار اراسىندا 1590 جاعداي وقۋ باستالعان سوڭ تىركەلگەن»، - دەپ اتاپ ءوتتى سارحات بەيسەنوۆا.

سپيكەردىڭ ايتۋىنشا، ەپيدپروتسەسكە قالانىڭ 125 مەكتەبىنەن 1237 سىنىپ تارتىلعان. قازىرگى ۋاقىتتا 1526 وقۋشى ساۋىعىپ، مەكتەپكە ورالدى جانە 88 مەكتەپتىڭ 303 سىنىبى كارانتين شارالارىن جالعاستىرۋدا.

«كوۆيدتىڭ ەڭ كوپ تىركەلۋى 3-8- سىنىپ وقۋشىلارى اراسىندا بايقالادى. بۇل 963 جاعداي نەمەسە وقۋشىلاردىڭ جالپى اۋرۋشاڭدىعىنىڭ % 43- ىن قۇرايدى. جالپى سىرقاتتانۋشىلىقتىڭ % 62,6 - ىن جۇمىس ىستەيتىن حالىق جانە % 25,4 - ىن جۇمىس ىستەمەيتىن تۇرعىندار قۇرايدى»، - دەدى س. بەيسەنوۆا.

اۆتور: ايجان سەرىكجان قىزى