مينيستر كوروناۆيرۋسقا قاتىستى قازىرگى جاعدايعا تۇسىنىك بەردى

نۇر-سۇلتان. قازاقپارات - دەنساۋلىق ساقتاۋ ءمينيسترى الەكسەي سوي كوروناۆيرۋس بويىنشا اعىمداعى ەپيدەميولوگيالىق احۋالعا قاتىستى تۇسىنىك بەردى، دەپ حابارلايدى قازاقپارات ءتىلشىسى.

«قازىرگى كەزدە كوروناۆيرۋس ينفەكسياسىن جۇقتىرۋ بويىنشا ەپيدەميولوگيالىق احۋالدى تۇراقتاندىرۋعا قول جەتكىزىلدى. تاۋلىگىنە 2 مىڭعا دەيىن جاعداي تىركەلىپ وتىر. بۇل ءوز كەزەگىندە ينفەكسيانىڭ تارالۋىنا اسەر ەتىپ، 1-تامىزدان بەرى سالىستىرعاندا رەپرودۋكتيۆتى كورسەتكىش 1,2 ەسەگە تومەندەدى»، - دەدى ا. سوي پارلامەنت ماجىلىسىندەگى ۇكىمەت ساعاتىندا.

ونىڭ ايتۋىنشا، ك ۆ ي بويىنشا ەپيداحۋالدىڭ تۇراقتانۋى اۋرۋحاناعا جاتقىزۋ دەڭگەيىنىڭ تومەندەۋىن كورسەتتى.

«ەلىمىز بويىنشا ينفەكسيالىق ورىندار 36 پايىزعا، رەانيماتسيالىق ورىندار 33 پايىزعا جۇكتەلگەن»، - دەدى مينيستر.

ايتا كەتەيىك، الەكسەي سوي قازاقستاندا ك ۆ ي جۇقتىرۋ قارقىنى بويىنشا ءتورت تولقىنى وتكەنىن ءمالىم ەتتى.

اۆتور: رۋسلان عابباسوۆ