اق كورپە جامىلعان اعاشتاردىڭ جاپىراعى ءالى ءتۇسىپ تە ۇلگەرمەگەن. ىلە الاتاۋىنىڭ باسى دەمدە اعارىپ شىعا كەلدى. الماتىلىقتار الەۋمەتتىك جەلىلەردى قار باسقان اۋلالاردىڭ سۋرەتى مەن ۆيدەولارعا تولتىردى. سينوپتيكتەر 5-قازانان باستاپ قار جاۋاتىنى جايلى ەسكەرتىپ كەلدى. قالا بيلىگى قار تۇسۋىنە بايلانىستى اۆتوموبيل جۇرگىزۋشىلەرىنە دوڭگەلەكتى اۋىستىرۋعا ەسكەرتۋ جاسادى.
ايتا كەتۋ كەرەك، جاۋىن ارالاسقان قار 5-قازان تۇنگى ۋاقىتتا باستالعان ەدى. قالانىڭ ىشىندە تۇسكەن قاردىڭ قالىڭدىعى 3 س م بولسا، تاۋلى ايماقتاردا ودان دا جوعارى بولدى. قالا كوشەلەرىن تازالاۋعا 285 كولىك پەن 164 جۇمىسشى جۇمىلدىرىلدى.