جاڭا تۋعان ءسابيدى بىرەۋگە بەرۋدىڭ كەز كەلگەن فورماسى زاڭسىز - ءى ءى م وكىلى
پەرزەنتحانالارداعى بالا ساۋداسىنا توسقاۋىل قويۋ ءۇشىن وسىنداي شارا قابىلداۋ قاراستىرىلىپ جاتىر، دەپ حابارلايدى قازاقپارات ءتىلشىسى.
بۇل تۋرالى ق ر ىشكى ىستەر مينيسترلىگى تەرگەۋ دەپارتامەنتىنىڭ باستىعى سانجار ءادىلوۆ ورتالىق كوممۋنيكاتسيالار قىزمەتىندە وتكەن بريفينگىدە ايتتى.
«مەن جاڭا تۋعان بالالاردى باسقا ادامدارعا بەرۋگە بايلانىستى كەز كەلگەن وپەراتسيالاردىڭ زاڭسىز ەكەندىگىنە ازاماتتاردىڭ نازارىن اۋدارعىم كەلەدى. مىسالى، بيىل شىلدەدە شىمكەنت سوتى ءوزارا كەلىسىپ، كەيىننەن جاڭا تۋعان نارەستەنى بەرۋ تۋرالى مامىلەنى زاڭسىز ورىنداعان ەكى وتباسىنىڭ ۇستىنەن ايىپتاۋ ۇكىمىن شىعاردى. بالانىڭ بيولوگيالىق اناسى تۋۋ تۋرالى كۋالىكتە «جۇبايى» باعانىندا نارەستەنىڭ بيولوگيالىق اكەسىنىڭ ەمەس، ساتىپ الۋشىنىڭ دەرەكتەرىن كورسەتكەن. كەيىن ول نوتاريۋستا بالادان باس تارتۋدى رەسىمدەگەن. بۇل ءىس بويىنشا بارلىق ادامدار ءارتۇرلى جازاعا تارتىلدى»، - دەگەن سانجار ءادىلوۆ كەلەشەكتە وسىعان ۇقساس جاعدايلار بولماس ءۇشىن ىشكى ىستەر مينيسترلىگى مۇددەلى مەملەكەتتىك ورگاندارمەن بىرلەسە وتىرىپ، ءبىرقاتار ۇيىمداستىرۋشىلىق- قۇقىقتىق شارالاردى قابىلداعانىن اتادى.
ناقتى ايتساق، بالالاردان باس تارتۋدى نوتاريالدى كۋالاندىرۋعا جانە ولاردى ءۇشىنشى تۇلعالاردىڭ قۇرۋىنا كەلىسۋگە تىيىم سالىناتىن بولدى.
«بالا اسىراپ الۋ تۋرالى زاڭنامانى قولدانۋ پراكتيكاسىنا پروكۋروردىڭ قاتىسۋى مىندەتتەلدى. پەرزەنتحانادا ادىلەت ورگاندارىنان جسن الىنعانعا دەيىن بالانىڭ ID كودىن قالىپتاستىرۋ مەحانيزمى ەنگىزىلىپ جاتىر»، - دەدى ءى ءى م وكىلى.
اۆتور: ەسىمجان ناقتىباي