وزبەك- اۋعان شەكاراسىندا قارۋلى قاقتىعىستان ءبىر ادام قازا تاپتى
08:31, 28 - قىركۇيەك 2021
نۇر-سۇلتان.قازاقپارات - وزبەكستاننىڭ اسكەري قىزمەتكەرى اۋعانستان شەكاراسىندا قازا تاپتى. بۇل جونىندە كورشى ەل پرەزيدەنتى شاۆكات ميرزيەيەۆ سايلاۋشىلارمەن كەزدەسۋ بارىسىندا ايتتى.
قارۋلى قاقتىعىس قىركۇيەكتىڭ 26- كۇنى بولعان. اۋعانستاننان ەسىرتكى تاسىمالداماق بولعانداردى وزبەكستان شەكاراشىلارى توقتاتقان، دەپ حابارلايدى «حابار 24».
اتىس بولىپ، سالدارىنان ءبىر جاۋىنگەر قازا تاپتى. وقيعا قالاي وربىگەنى جايلى وزبەكستاننىڭ ءبىر دە ءبىر رەسمي ورگانى مالىمدەمە جاسامادى. ال كورشى ەل پرەزيدەنتى مەملەكەتتىك شەكارانى بۇزعاندارعا قاتىستى ۇستانىمى قاتال، قاجەت بولعان جاعدايدا قارۋ قولدانۋعا دايىن ەكەندەرىن ايتتى.
www.24.kz