ارنايى سايتتاعى مالىمەتتەرگە قاراعاندا، د. قۇدايبەرگەن 5,9 ميلليون داۋىس جينادى. ەكىنشى ورىندا 5859003 داۋىس العان وڭتۇستىك كورەيانىڭ BTS توبىنىڭ سوليسى (Kim Seokjin) تۇر.
ايتا كەتەيىك، داۋىس بەرۋ بيىلعى 30- قىركۇيەككە دەيىن جالعاسادى. 19 - قىركۇيەكتە «Jas Otan» جاستار قاناتىنىڭ بەلسەندىلەرى الەۋمەتتىك جەلىلەردە «King Choice» رەيتينگىندە ديماش قۇدايبەرگەنگە داۋىس بەرۋدى قولداۋ ءۇشىن #JasOtanQoldaidy اكسياسىن ىسكە قوستى.
نۇرجان جەتپىسبايەۆ الەۋمەتتىك جەلىلەردە قازاقستاندىقتاردى وتانداسىمىزعا داۋىس بەرۋگە شاقىردى. بۇل ۇندەۋ جاس وتاندىقتار اراسىندا چەللەندجگە ۇلاستى.
«سىزدەردى قازاقستاندىق جاستاردىڭ تاعى ءبىر وكىلى، تاماشا داۋىس يەسى - ديماش قۇدايبەرگەندى قولداۋعا شاقىرامىن. قازاقستاندىقتاردىڭ ورتاق كۇش- جىگەرىمەن ءبىز بايقاۋدا جەڭىسكە جەتۋگە كومەكتەسەمىز دەپ سەنەمىن!»، - دەپ جازدى نۇرجان جەتپىسبايەۆ.
داۋىس بەرۋ ەرەجەلەرىمەن @jas_otan Instagram جانە Facebook پاراقشالارىندا تانىسۋعا بولادى.
اۆتور: رۋسلان عابباسوۆ