قازاقستاندىقتار مەملەكەتتىك قىزمەتتىڭ ساپاسىنا قانشالىقتى باعا بەرەدى؟
اتالعان ساۋالعا قاتىستى ق ر ەسەپ كوميتەتىنىڭ ءتوراعاسى ناتاليا گودۋنوۆا ءوز ويىمەن ءبولىستى، دەپ حابارلايدى قازاقپارات ءتىلشىسى.
«پرەزيدەنت تاپسىرماسى بويىنشا مەملەكەتتىك ورگاندار جۇمىسىنىڭ تيىمدىلىگى مەن ولار كورسەتەتىن قىزمەتتىڭ ساپالىلىعىن انىقتاۋدا تاۋەلسىز الەۋمەتتىك پىكىردى ەسكەرۋ قايتا جاندانادى. الەۋمەتتىك اۋديتتە تاۋەلسىز پىكىر ناتيجەسى ول مەملەكەتتىك قىزمەتتەردى الۋشىلارمەن كەرى بايلانىستى قامتاماسىز ەتەدى. مىسالى، وتكەن جىلى تاۋەلسىز الەۋمەتتىك پىكىر قورىتىندىسى بويىنشا قازاقستاندىقتاردىڭ 70 پايىزى كورسەتىلەتىن مەملەكەتتىك قىزمەتتىڭ ساپاسىنا قاناعاتتاناتىن بولىپ شىقتى»، - دەدى ناتاليا گودۋنوۆا.
سونداي-اق، كوميتەت باسشىسى «ەلەكتروندى ۇكىمەت» پورتالىنىڭ قىزمەتىنە توقتالدى.
«اتالعان پورتال قىزمەتىنىڭ الەمدىك رەيتينگتە وڭ سەرپىنگە قاراماستان (2019-جىلمەن سالىستىرعاندا 2020-جىلى 193 ەلىنىڭ اراسىندا 39 دان 29-ورىنعا كوتەرىلدىك)، وتكەن جىلدىڭ قورىتىندىسىندا ازاماتتاردىڭ الەۋمەتتىك جاردەماقىنى راسىمدەۋ مەن مەملەكەتتىك كومەككە ءوتىنىم بەرۋدە كليەنتتەردىڭ جۇكتەمەسىنە توتەپ بەرە الماعان «ەلەكتروندىق ۇكىمەت» پورتال قىزمەتىنە نەعۇرلىم ناشار باعا بەرىلدى»، - دەيدى ول.
بۇعان دەيىن ەسەپ كوميتەتىنىڭ ءتوراعاسى ن. گودۋنوۆا ەلىمىزدىڭ بيۋجەت شىعىنىنا قاتىستى مالىمەتتەرمەن ءبولىستى.