ۇلى بريتانيادا كوروناۆيرۋستىڭ تاراۋ قارقىنى ۇدەي ءتۇستى

نۇر- سۇلتان. قازاقپارات - ۇلى بريتانيادا قاڭتار مەن شىلدەدە تىركەلگەن COVID-19 اۋرۋى مەن اۋرۋحاناعا جاتقىزۋدىڭ شىڭى قىركۇيەك ايىندا قايتا قايتالاندى.

بۇل تۋرالى قازاقپارات COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ Telegram كانالىنا سىلتەمە جاساپ حابارلايدى.

قازىر 8085 ادام ورتاشا اۋىر جانە اۋىر جاعدايدا ستاتسيونارلاردا ەم قابىلداۋدا. ۆاكسيناتسيانىڭ جوعارى قارقىنىنا قاراماستان ۆيرۋستىڭ تاراۋ قارقىنى ارتىپ كەلەدى. ۇلى بريتانيا ازاماتتارى يممۋنداۋدى كوروناۆيرۋستان ناقتى قورعانىس رەتىندە قابىلدايتىن ەۋروپاداعى ساناۋلى ەلدەردىڭ ءبىرى.

قازىرگى ۋاقىتتا COVID-19-عا قارسى تولىق ۆاكسيناتسيالانعان بريتاندىقتاردىڭ سانى % 65 جەتتى. امەريكا قۇراما شتاتتارىندا حالىقتىڭ جەكەلەگەن ساناتتارى ءۇشىن مىندەتتى يممۋنداۋ رەجيمى ەنگىزىلۋدە. دجوزەف بايدەن COVID-19 ۆاكسيناتسياسىنىڭ جاڭا جوسپارىن ماقۇلدادى. ا ق ش پرەزيدەنتى وتە جۇقپالى «دەلتا» شتامىنىڭ تارالۋى ۇزاققا سوزىلۋى مۇمكىن ەكەنىن اتاپ ءوتىپ، كوروناۆيرۋستىڭ مۋتاتسياسىنىڭ بۇل نۇسقاسى جاڭا جاعدايلاردىڭ كوپ بولىگىن قۇرايتىنىن ايتتى. جاڭا جوسپارعا سايكەس ا ق ش فەدەرالدى ۇكىمەتىنىڭ بارلىق قىزمەتكەرلەرى، سونداي- اق ونىڭ مەردىگەرلەرى COVID-19 ۆاكسيناتسياسىنان ءوتۋى كەرەك.