قازاقستان شاحمات وليمپياداسىندا كوش باستاپ تۇر. ابدىمالىك الەمنىڭ ۇزدىك شاحماتشىسىن جەڭدى
ونىڭ ۇستىنە كوماندا قىتايلىقتاردى، ال جانسايا ابدىمالىك ءتورت دۇركىن الەم چەمپيونى حوۋ يفاندى ۇتتى. تاعى ءبىر قازاقستاندىق ءبيبىسارا اساۋبايەۆا تۋرنيردەگى التى ويىندى دا جەڭدى، - دەپ حابارلايدى Vesti.kz باسىلىمى.
قازاقستاننىڭ قىتايعا قارسى ويىنى ونلاين- وليمپيادانىڭ ءتورتىنشى كەزەڭىندە ءوتتى. وندا شاحماتشىلار التى ويىننىڭ ۇشەۋىندە جەڭىسكە جەتىپ، تاعى بىرەۋىن تەڭ اياقتاعان - 3,5-2,5. ابدىمالىك پەن اساۋبايەۆادان باسقا رامازان جالماحانوۆ تا جەڭىسكە جەتتى.
ءبىرىنشى كەزەڭدە قازاقستان گرۋزيانى جەڭدى - 4,5-1,5. دەنيس ماحنيەۆ، دينارا ءسادۋاقاسوۆا جانە اساۋبايەۆا جالماحانوۆپەن بىرگە جەڭىسكە جەتتى.
ەكىنشى كەزەڭدە قازاقستان قۇراماسى ءسادۋاقاسوۆا مەن اساۋبايەۆانىڭ جەڭىسى ارقاسىندا يندونەزيادان 3,5-2,5 ەسەبىمەن باسىم ءتۇستى.
ءۇشىنشى كەزەڭدە رۋمىنيا جەڭىلدى - 4-2، ال اساۋبايەۆا مەن جالماحانوۆ جەڭىسكە جەتتى.
بەسىنشى كەزەڭدە قازاقستاندىق شاحماتشىلار ارمەنيانى 3,5-2,5 ەسەبىمەن جەڭدى. جەڭىمپاز پارتيالار رينات جۇمابايەۆ، ابدىمالىك پەن اساۋبايەۆا اكتيۆىنە جازىلدى.
ال التىنشى كەزەڭدە قازاقستان قۇراماسى گرەكيانى جەڭدى - 5,5-0,5. جەڭىس رۇستەم حۋسنۋتدينوۆ، ابدىمالىك، گۇلىسحان ناحبايەۆا، قازىبەك نوگەربەك جانە اساۋبايەۆانىڭ ەسەبىندە.
ەندى قازاقستان ونلاين- وليمپيادادا توپ- ديۆيزيوندا 12 ۇپايمەن كوش باستاپ، قىتايدى ەكى ۇپايمەن باسىپ وزدى. قازاقستاندىق شاحماتشىلار يران، موڭعوليا جانە اۆستراليامەن تاعى ءۇش ويىن وتكىزەدى.
ونلاين- وليمپيادادا جوعارى ديۆيزيوننىڭ 40 كومانداسى ءتورت توپقا بولىنگەن، ولاردىڭ ءارقايسىسىندا اينالىم بويىنشا تۋرنير وتەدى. ءار توپتان ۇزدىك ۇشتىك ىرىكتەۋ كەزەڭى، شيرەك فينال، جارتىلاي فينال جانە فينالدان تۇراتىن پلەي- وفف كەزەڭىنە وتەدى. شاحماتتان ونلاين الەم وليمپياداسى Chess.com ويىن الاڭىندا قاشىقتان وتەدى. ول 15-قىركۇيەكتە اياقتالادى.
قازاقستان قۇراماسىنىڭ نەگىزگى قۇرامىنا: رينات جۇمابايەۆ (حالىقارالىق گروسسمەيستەر)، دەنيس ماحنيەۆ (حالىقارالىق گروسسمەيستەر)، جانسايا ابدىمالىك (حالىقارالىق گروسسمەيستەر)، دينارا ءسادۋاقاسوۆا (حالىقارالىق ايەلدەر گروسسمەيستەرى) ، رامازان جالماحانوۆ (حالىقارالىق شەبەر) جانە ءبيبىسارا اساۋبايەۆا (حالىقارالىق ايەلدەر گروسسمەيستەرى) كىرەدى.
قوسالقى ويىنشىلار: رۇستەم حۋسنۋتدينوۆ (حالىقارالىق گروسسمەيستەر)، مۋرتاس قاجگالەيەۆ (حالىقارالىق گروسسمەيستەر)، گۇلىسحان ناحبايەۆا (حالىقارالىق ايەلدەر گروسسمەيستەرى)، گۇلميرا داۋلەتوۆا (حالىقارالىق ايەلدەر گروسسمەيستەرى)، قازىبەك نوگەربەك (فيدە شەبەرى) جانە مەرۋەرت قاماليدەنوۆا (حالىقارالىق ايەلدەر شەبەرى). كوماندا كاپيتانى - حالىقارالىق گروسسمەيستەر پاۆەل كوتسۋر.